| 1. |
Die aangehegte rooster vir die Oktober 2010 BOOV Vlak 4-eksamen is so pas ontvang van die Departement van Hoër Onderwys en Opleiding. Die eksamen sal 'n aanvang neem op 26 Oktober 2010 en eindig op 16 November 2010. Alle eksamensessies sal om 14:00 begin. Aangesien hierdie eksamen 'n nasionale proses is, is die datums en tye van toepassing op die hele land en sal geen afwyking van die rooster toegelaat word nie. |
| 2. |
Soos in die verlede sal onderwysdistriksbeamptes, hoofkantoorbeamptes en Umalusi-verteenwoordigers die eksamenproses moniteer. 'n Monitor mag toegelaat word om 'n eksamen te moniteer slegs indien hy of sy bewys van identiteit kan lewer asook 'n brief wat hom magtig om te moniteer namens die betrokke kantoor. |
| 3. |
Indien 'n sentrum se eksamens afgelê word op die terrein van 'n hoofstroomskool, moet die sentrumbestuurder vooraf reëlings tref vir die gebruik van die skool se kluis, die administrasieafdeling, klaskamers, kleedkamergeriewe, ens. |
| 4. |
Sentrumbestuurder moet verseker dat hulle hoofopsieners en opsieners deeglik opgelei is en in staat is om behoorlik toesig te hou oor die eksamens. |
| 5. |
Die sentrumbestuurder moet alle administratiewe kwessies met betrekking tot die eksamens bestuur en moet dus by die eksamensentrum wees voor die begin en aan die einde van elke eksamensessie. |
| 6. |
Geen kandidaat mag toegelaat word in 'n eksamenlokaal tensy hy of sy 'n toelatingsbrief en sy of haar strepieskode-identiteitsdokument. Kandidate van ander lande mag 'n paspoort toon in plaas van identiteitsdokument. |
| 7. |
Sentrumbestuurders word versoek om: |
| 7.1 |
aan al hulle opvoeders en kandidate roosters te verskaf so gou as moontlik, om hulle toe te laat om hulle finale voorbereidings vir die eksamen te tref; en |
| 7.2 |
al hulle kandidate daaraan te herinner dat hulle identiteitsdokumente en toelatingsbriewe getoon moet word voor hulle die eksamenlokaal binnegaan om enige identiteitsbedrog te voorkom. Indien 'n kandidaat toegelaat word om 'n eksamen te skryf sonder die geldige identiteitsdokument en toelatingsbrief, sal dit as 'n onreëlmatigheid hanteer word, hangende 'n departementele ondersoek na die wettigheid van die kandidaat wat daardie eksamen geskryf het. |
| 8. |
Dra asseblief ons beste wense vir die eksamens oor aan die eksamenkandidate namens die Wes-Kaap Onderwysdepartement. |
GETEKEN: BK SCHREUDER
HOOF: ONDERWYS
DATUM: 2010-06-26
|