1. Inleiding
1.1 Omsendbrief 0037/2009 het verwys na die hersiene eenheidstandaarde vir 'n nuwe interim Algemene Onderwys-en-opleidingsertifikaat- (AOOS-) kwalifikasie. Hierdie nuwe kwalifikasie vir BOOV Vlak 4 is in Desember 2009 amptelik bekendgestel in Staatskoerant nr. 32793.
1.2 Die nasionale Departement van Hoër Onderwys het eksamenriglyne vir leerareas voorsien waarvolgens eksamens afgeneem sal word vanaf Oktober-November 2010. Hierdie riglyne sal aan alle sentrums verskaf word tydens die eerste kwartaal van 2010.
1.3 Riglyne vir nuwe leerareas, soos Groothandel en Kleinhandel, Inligtingskommunikasietegnologie en Vroeëkindontwikkeling, sal beskikbaar gestel word aan openbare leersentrums vir volwassenes sodra hulle van die nasionale Departement van Hoër Onderwys ontvang is.

2. AOOS-BOOV-kwalifikasie
2.1 Die AOOS-BOOV-kwalifikasie bestaan uit fundamentele, kern- en geselekteerde komponente in sy kombinasiereëls.
2.2 Leerders moet 'n minimum van 5 leerareas aanbied.
2.3 Die twee fundamentele leerareas en een kernleerarea is verpligtend.
2.4 Leerders moet 2 of meer leerareas kies uit die keusekomponent.
2.5 Daar moet aan die volgende vereistes voldoen word ten einde die AOOS-BOOV Vlak 4-kwalifikasie te kan behaal:

REËLS VIR DIE KOMBINASIE VIR DIE AOOS-BOOF-KWALIFIKASIE, 120 KREDIETE
FUNDAMENTELEKOMPONENT: VERPLIGTEND 39 OF 37 KREDIETE
1. Een amptelike taal: 23 krediete
2.1 Wiskundige Geletterdheid (WG) 16 krediete OF
2.2 Wiskunde en Wiskundige Wetenskappe (WWW): 14 krediete

Leerders kan nie WG sowel as WWW aanbied nie.

KERNKOMPONENT: VERPLIGTE 32 KREDIETE
Lewensoriëntering: 32 krediete
KEUSEKOMPONENT: VERPLIGTEND 49 OF 51 KREDIETE
Akademiese Leerareas:

  1. Menslike en Sosiale Wetenskappe: 23 krediete
  2. Natuurwetenskappe: 15 krediete
  3. Ekonomiese & Bestuurswetenskappe: 21 krediete
  4. Kuns en Kultuur: 17 krediete
  5. Tegnologie: 11 krediete
  6. Een addisionele amptelike taal (met uitsluiting van die taal wat as 'n Fundamentele leerarea gekies is) 23 krediete

Beroepsleerareas:

  1. Toegepaste Landbou en landboutegnologie: 20 krediete
  2. Aanvullende Gesondheidsorg: 45 krediete
  3. Klein-, Medium- en Mikro-ondernemings: 17 krediete
  4. Reis en Toerisme: 38 krediete
  5. Inligtings- en Kommunikasietegnologie: 23 krediete
  6. Vroeëkindontwikkeling: 26 krediete
  7. Groothandel en Kleinhandel: 27 krediete
OPSIE 1
(5 leerareas)
OPSIE 2
(6 leerareas)
OPSIE 3
(7 of meer leerareas)
TWEE Fundamentele leerareas
EEN kern- en
TWEE keuseleerareas
TWEE Fundamentele leerareas
Een kern- en
DRIE keuseleerareas
TWEE Fundamentele leerareas
Een Kern en
VIER keuseleerareas

3. Eksamenriglyne 2010 - 2012
3.1 Die eksamenvraestelle vir die nuwe interim kwalifikasie sal deur die nasionale Departement van Hoër Onderwys opgestel word en sal vir die eerste keer in Oktober-November 2010 geskryf word.
3.2 Die nuwe leerareariglyne moet gebruik word vir die 2010, 2011 en 2012 akademiese jare. Die nuwe riglyne is primêr ontwikkel vir die eksaminators en moderatore van die BOOV Vlak 4-eksamens, maar sal ook dien as belangrike verwysingsmateriaal vir onderwysers en sentrumbestuurders.
3.3 Die leerareariglyne bevat eenheidstandaarde, kernkennisareas, taksonomieë vir die ontwikkeling van vrae, leiding oor terreingebaseerde assessering (met inbegrip van voorbeelde van TGA), leiding oor die eindeksamen (wat insluit 'n voorbeeldvraestel), leiding oor die nasien en beginsels van assessering

4. Distrikskurrikulumadviseurs en sentrumbestuurders word vriendelik versoek om die inhoud van hierdie minuut met alle onderwysers te deel.


GETEKEN: BK SCHREUDER
HOOF: ONDERWYS
DATUM: 2010-03-16

"Government Gazette No 32793"  (grootte: 110 KB)