ASSESSERINGSBESTUURMINUUT: 0004/2010 |
AAN: | HOOFDIREKTEURE, DIREKTEURE, ADJUNKDIREKTEURE, HOOFONDER-WYSKUNDIGES, KRINGSPANBESTUURDERS, HOOFDE: IBB-KOÖRDINERING EN -ADVIES, HOOFDE: KURRIKULUMKOÖRDINERING EN -ADVIES, ADJUNKHOOFONDERWYSKUNDIGES, IBB-BESTUURDERS, KURRIKULUM-ADVISEURS, ASSESSERINGSKOÖRDINEERDERS EN BESTUURDERS VAN GEMEENSKAPSLEERSENTRUMS |
| ASSESSERING VIR BOOV VLAK 4 IN 2010 |
| 1.1 |
Die Wes-Kaap Onderwysdepartement (WKOD) wil weereens aan volwasse leerders die geleentheid bied om die nasionale Basiese Onderwys en Opleiding vir Volwassenes (BOOV) Vlak 4-eksamens in Mei en Oktober-November af te lê. Die eksamendatums is as volg:
3 Mei 2010 tot 25 Mei 2010, en 26 Oktober 2010 tot 16 November 2010.
|
| 1.2 |
Die eerste eksamens wat op die nuwe BOOV Vlak 4-kwalifikasie gebaseer is, sal in Oktober-November 2010 geskryf word. |
| 1.3 |
Dit word aanbeveel dat leerders die volgende minimum vlak moes bereik het om vir hierdie kwalifikasie in te skryf: Kommunikasie op BOOV Vlak 3 of die ekwivalent, en Wiskundige Geletterdheid op BOOV Vlak 3 of die ekwivalent. |
| 2. |
Terreingebaseerde assessering
|
| 2.1 |
Die terreingebaseerde assesseringstake (TGA-take) vir 2009 sal geldig bly tot Junie 2010. Dit beteken dat hulle gebruik kan word om slegs daardie leerders voor te berei wat voorberei om die Mei 2010 nasionale eksamens te skryf. |
| 2.2 |
'n Nuwe stel SGA-take vir leerders wat voorberei om die nasionale eksamens van November 2010 en Junie 2011 te skryf, is van die nasionale Departement van Hoër Onderwys (DHO) ontvang. Onderwysdistrikskantore het die SGA-take ontvang en sal hulle eersdaags aan volwassene-leersentrums voorsien. |
| 2.3 |
Die verhouding van eksamenassessering tot terreingebaseerde assessering bly 50:50 vir BOOV Vlak 4. |
| 2.4 |
In die eerste kwartaal van 2010 sal onderwysdistrikte standaard-bepalingsvergaderings hou waartydens alle sentrums wat deelneem aan die November 2010-eksamens 'n CD van die nuwe TGA-take sal ontvang. Dit is noodsaaklik dat alle BOOV Vlak 4-onderwysers die onderwysdistrikte se modereringsvergaderings bywoon. |
| 2.5 |
Bewyse van leer moet aangeteken word en voortgesette terugvoer moet aan die leerders gegee word. Die leerder se bewyse van leer moet die vyf aangetekende bewysstukke insluit. |
| 2.6 |
Onderwyserportefeuljes moet alle bewyse van onderrig, leer en assessering vir die spesifieke program bevat. Die portefeulje moet dus die leerprogram bevat sowel as leerareariglyne, 'n assesseringsplan per leerarea, lesplanne, klasassesseringstake en gereedskap, TGA-take en instrumente, punteblaaie en die betrokke beleids dokumente vir die afneem van BOOV Vlak 4-kurrikulum en -assessering. |
| 3.1 |
Die Mei sowel as Oktober-November-eksamens sal afgeneem word ooreenkomstig die Beleid op die Afneem, Administrasie en Bestuur van BOOV Vlak 4-eksamens. |
| 3.2 |
Dit is belangrik dat alle kandidate wat die eksamens skryf in eksamentegnieke opgelei word.
|
| 3.3 |
Onderwysers word aangeraai om die verslae van die BOOV Vlak 4-hoofnasieners te bestudeer, sowel as vorige vraestelle, wanneer hulle kandidate vir die eksamen voorberei. CD's van vorige vraestelle en voorgestelde antwoorde is beskikbaar vanaf Edumedia by tel. 021 689 9536.
|
| 3.5 |
Die Junie- sowel as Oktober-November-eksamens sal deur die WKOD, Umalusi en die nasionale Departement van Hoër Onderwys gemonitor word. |
| 4. |
Distriksondersteuning
Die volgende distrikskurrikulumadviseurs kan geskakel word vir verdere ondersteuning:
| Onderwysdistrik |
BOOV-beampte |
Telefoon (werk) |
| Kaapse Wynland |
Mr Thomas Michaels (wnd.) |
023 348 4628 |
| Metro-Sentraal |
Mr Derrick Sayster (wnd.) |
021 514 6937 |
| Metro-Oos |
Ms Rejean Muller |
021 900 7014 |
| Eden & Sentraal-Karoo |
Mr Dirk Henry |
023 415 2070 |
| Metro-Noord |
Ms Winifred Taylor |
021 938 3032 |
| Overberg |
Mr Joseph Pedro |
028 214 7348
083 647 4470 |
| Metro-Suid |
Ms Zukiswa Ntontela (wnd.)
Ms Vuyelwa Ndunduzela (wnd.) |
021 370 2100
021 370 2053 |
| Weskus |
Ms Lilian van Louw |
022 913 3319
083 226 9045 |
|
| 5. |
Nuwe kwalifikasie en leerareariglyne
|
| 5.1 |
Staatskoerant nr 32793 van 11 Desember 2009 het die Interim Algemene Onderwys en Opleidingsertifikaat (AOOS) - BOOV Vlak 4-kwalifikasie aangekondig, 'n kwalifikasie op Vlak 1 van die Nasionale Kwalifikasieraamwerk. |
| 5.2 |
Die interim AOOS - BOOV-kwalifikasie sal vanaf 2010 aangebied word en die eerste eksamen sal in Oktober-November 2010 afgeneem word. |
| 6. |
Sentrumbestuurders en beamptes word vriendelik versoek om die inhoud van hierdie minuut met alle onderwysers en leerders by leersentrums vir volwassenes te deel. |
GETEKEN: BK SCHREUDER
HOOF: ONDERWYS
DATUM: 2010:03:16
Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
VEILIGE SKOLE: 0800 45 46 47
INBELSENTRUM: 0861 92 33 22
|
