| 1. |
Die aangehegte rooster vir die Mei 2010 BOOV-vlak 4-eksamen is so pas van die nasionale Departement van Onderwys ontvang. Die eksamen sal op 3 Mei 2010 'n aanvang neem en op 25 Mei 2010 ten einde loop. Alle eksamensessies sal om 14:00 begin. Aangesien hierdie eksamen 'n nasionale proses is, is die datums en tye van toepassing op die hele land en geen afwyking van die rooster mag toegelaat word nie. |
| 2. |
Soos in die verlede sal Onderwysdistriksbeamptes, Hoofkantoorbeamptes en Umalusi-verteenwoordigers die eksamenproses monitor. 'n Monitor moet slegs toegelaat word om 'n eksamen te monitor as hy of sy bewys van identiteit en 'n brief waarin hy of sy gemagtig word om dit namens die betrokke kantoor te doen, kan toon. |
| 3. |
Indien 'n sentrum se eksamens afgeneem word op die perseel van 'n hoofstroomskool, moet die sentrumbestuurder vooraf reëlings tref vir die gebruik van die instapkluis, die administratiewe afdeling, klaskamers, ablusiefasiliteite, ens. |
| 4. |
Sentrums moet seker maak dat hulle hoofopsieners en opsieners goed opgelei en bevoeg is om die administrasie van die eksamen op effektiewe wyse te hanteer. |
| 5. |
Dit is die sentrumbestuurder se taak om alle administratiewe sake rakende die betrokke eksamen te bestuur. Alle sentrumbestuurders moet dus voor die aanvang en na die afloop van elke eksamensessie by die eksamensentrum wees. |
| 6. |
Geen kandidaat mag tot die eksamenlokaal toegelaat word tensy hy of sy 'n toelatingsbrief en 'n vorm van identifikasie getoon het nie. |
| 7. |
Sentrumbestuurders word ook versoek om:
|
| 7.1 |
al hulle opvoeders en kandidate so gou as moontlik van die eksamenrooster te voorsien om hulle in staat te stel om hulle finale voorbereidings vir die eksamens te tref;
|
| 7.2 |
al hulle kandidate daaraan te herinner dat hulle identiteitsdokumente en toelatingsbriewe voor die aanvang van elke eksamensessie getoon moet word om enige identiteitsbedrog te voorkom. Indien 'n kandidaat toegelaat word om 'n eksamen sonder die geldige identiteitsdokument en toelatingsbrief te skryf, sal dit geag word 'n onreëlmatigheid te wees, in afwagting van 'n departementele ondersoek na die wettigheid van die kandidaat wat daardie eksamen geskryf het. |
| 8. |
Wens asseblief namens die Wes-Kaap Onderwysdepartement die kandidate alles van die beste toe vir die eksamen. |
GETEKEN: BK SCHREUDER
HOOF: ONDERWYS
DATUM: 2010:03:01
|