| 2. |
Die regulasies bepaal verder dat sodanige kandidate die kwalifikasie moet voltooi binne 'n maksimum tydperk van 3 jaar, wat die datum van die eerste NSS-eksamen wat deur die kandidaat geskryf is, moet insluit.
|
| 3. |
Daar is twee kategorieë van kandidate wat graad 12 sal herhaal:
|
| 3.1 |
Kandidate wat graad 12 op 'n voltydse basis herhaal (op skool op 'n voltydse basis);
|
| 3.2 |
Kandidate wat graad 12 op 'n deeltydse basis herhaal.
|
| 4. |
Kandidate wat graad 12 herhaal en wat op 'n voltydse basis op skool is, moet voldoen aan al die vereistes wat geld vir leerders wat op 'n voltydse basis op skool is, en geen vrystellings of toegewings mag aan hulle verleen of gemaak word nie. Hierdie vereistes sluit in die aanbied van sewe vakke en die voltooiing van skoolgebaseerde assesserings (SGA's), mondelinge, praktiese take en praktiese assesseringstake (PAT's).
|
| 5. |
Versoeke om die herhaling van die NSS-eksamen mag in die volgende gevalle van deeltydse kandidate ontvang word:
|
| 5.1 |
Kandidate wat die NSS-eksamen geslaag het, maar wat die status van hulle kwalifikasie wil verbeter, m.a.w. toegang wil verkry tot 'n diploma- of baccalaureusgraadkursus of wil voldoen aan die vereistes van 'n spesifieke beroep (Sodanige kandidaat sal toegelaat word om vir 'n maksimum van twee (2) vakke te registreer.);
|
| 5.2 |
Kandidate wat die NSS-eksamen geslaag het, maar wat 'n vak of vakke wil verander om aan die vereistes vir toegang tot tersiêre inrigtings te voldoen (Sodanige kandidaat sal toegelaat word om 'n maksimum van twee (2) vakke te verander. Hierdie kandidate sal aan al die vereistes vir die besondere vak moet voldoen, insluitende die toepaslike SGA en/of praktiese take vir graad 12.);
|
| 5.3 |
Kandidate wat een of meer vak(ke) gedruip het en 'n sekere vak/sekere vakke wil herhaal.
|
| 6. |
Kandidate wat 'n vak of vakke wil herhaal, kan die WKOD versoek om hulle SGA- en/of praktiese punte na die volgende jaar oor te dra. Dit beteken dat daar nie van die kandidate verwag sal word om enige SGA-take in te dien of die praktiese komponent van 'n praktiese vak te voltooi nie. Sodanige SGA- en praktiese punte is geldig vir 2 jaar na die voltooiing van die eerste NSS-eksamens wat deur die kandidate geskryf is.
|
| 7. |
Indien 'n kandidaat wat herhaal sy of haar SGA- of PAT-punte wil verbeter, sal daar van hom of haar verwag word om dieselfde take as dié wat deur al die ander voltydse NSS-kandidate vir die betrokke vak(ke) ingedien moet word, by die skool in te dien.
|
| 8. |
Die sluitingsdatum vir registrasie vir die NSS-eksamen vir kandidate wat herhaal, is 15 Mei van elke jaar, indien dit 'n weeksdag is. Indien 15 Mei van 'n bepaalde jaar oor 'n naweek val, sal die sluitingsdatum die Vrydag onmiddellik voor 15 Mei wees. Kandidate kan registreer by die WKOD Kliëntedienssentrum, 2de Vloer, Grand Central Towers, Laer Pleinstraat, Kaapstad. Kandidate wat herhaal en wat toegang het tot die Internet kan aanlyn by http://exams.wcape.gov.za vir die Nasionale Senior Sertifikaat-eksamen registreer.
|
| 9. |
Prinsipale word vriendelik versoek om die inhoud van hierdie Assesseringsbestuursminuut onder die aandag van alle betrokkenes, insluitende ouers en onderwysers, te bring.
|
GETEKEN: PA VINJEVOLD
HOOF: ONDERWYS
DATUM: 2010:01:20
|