| 1.2 |
In die toekoms moet alle vakveranderings in skole aangebring word op die Sentrale Onderwysbestuursinligtingstelsel (SOBIS). |
| 1.3 |
Skole word versoek om enige vakverandering in graad 11 en 12 te vermy tensy dit absoluut noodsaaklik en in die beste belang van die betrokke leerder is. |
| 1.4 |
Sodra die vakveranderingversoeke goedgekeur is, moet die skool seker maak dat die kandidate voldoen aan die skoolgebaseerde assesseringsvereistes vir die nuwe vak. |
| 2. |
UITDAGINGS WAT IN 2010 MET VAKVERANDERINGS ONDERVIND IS |
| 2.1 |
Baie skole het nie in 2010 gehou by die sluitingsdatum vir versoeke om vakveranderings nie. Vanaf 2011 sal geen laat aansoeke aanvaar word nie. |
| 2.2 |
Te veel leerders het aansoek gedoen om meer veranderings as wat beleid toelaat. Skole word versoek om by die beleid te bly en slegs aansoek te doen om die maksimum toegelate getal vakveranderings per leerder, soos bepaal in Afdeling 3 van hierdie minuut. |
| 2.3 |
Die inligting wat deur skole op die aanlynaansoekvorm verstrek is, was in die meeste gevalle onvolledig. Skole moet onthou om die motiveringskolom te voltooi. |
| 2.4 |
Die totale getal vakveranderings in die provinsie was te hoog. Die meeste van die vakveranderings was SOBIS-verbeterings. Wanneer IBB-bestuurders skole gedurende die jaar besoek, moet hulle seker maak dat die punteskedules vir die onderskeie grade in elke skool die SOBIS-registrasies van die skool weerspieël. Prinsipale moet IBB-bestuurders voorsien van 'n lys van SOBIS-registrasies. |
| 3. |
STELSEL VIR GOEDKEURING VAN VAKVERANDERINGS IN GRAAD 10, 11 EN 12 VANAF 2011
|
| 3.1 |
VAKVERANDERINGS IN GRAAD 10 |
| 3.1.1 |
'n Maksimum getal van twee vakke per leerder per jaar mag verander word. |
| 3.1.2 |
Alle vakveranderings moet goedgekeur word deur die prinsipaal en aanlyn op die SOBIS aangebring word. |
| 3.1.3 |
Die sluitingsdatum vir vakveranderings wat op skoolvlak aangebring word, is 31 Julie van elke jaar. |
| 3.2 |
VAKVERANDERINGS IN GRAAD 11 |
| 3.2.1 |
'n Maksimum getal van twee vakke per leerder per jaar mag verander word. |
| 3.2.2 |
Die sluitingsdatum vir vakveranderings wat op skoolvlak aangebring word, is 31 Julie van elke jaar. |
| 3.2.3 |
Alle versoeke om vakveranderings moet teen 15 Augustus van elke jaar deur die onderwysdistrikskantoor goedgekeur word. |
| 3.3 |
VAKVERANDERINGS IN GRAAD 12 |
| 3.3.1 |
'n Maksimum van een vak per leerder per jaar mag verander word. |
| 3.3.2 |
Die sluitingsdatum vir vakveranderings wat op skoolvlak aangebring word, is 31 Januarie van elke jaar. |
| 3.3.3 |
Alle versoeke om vakveranderings moet teen 15 Februarie van elke jaar deur die onderwys-distrikskantoor goedgekeur word. |
| 3.3.4 |
Alle vakveranderings sal teen 28 Februarie van elke jaar elektronies deur Hoofkantoor goedgekeur word. |
| 4. |
GOEDKEURING VAN VAKVERANDERINGS VANAF 2011 |
| 4.1 |
As die versoek om 'n vakverandering goedgekeur is, sal SOBIS outomaties bygewerk word en 'n e-pos sal na die skool gestuur word. |
| 4.2 |
In uitsonderlike gevalle, d.w.s. wanneer daar 'n versoek is om meer as twee vakveranderings vir 'n graad 10- of 11-leerder of meer as een vakverandering vir 'n graad 12-leerder, moet die skool die versoek om die vakveranderings indien by die assesseringskoördineerder by die onderwysdistrikskantoor. Die assesseringskoördineerder sal die versoek namens die skool insleutel en Hoofkantoor sal verantwoordelik wees vir die goedkeuring van die vakveranderings. |
| 5.1 |
Die prinsipaal moet teen 15 September van elke jaar die registrasieskedules vir graad 10 en 11 op die SOBIS onderteken. Die proses sal op die SOBIS verduidelik word. |
| 5.2 |
Prinsipale word dringend versoek om seker te maak dat alle leerders korrek op die SOBIS geregistreer is in graad 10 en 11 ten einde versoeke om vakveranderings in graad 12 te vermy. |
| 6. |
Prinsipale en onderwysdistriksbeamptes word versoek om die inhoud van hierdie minuut onder die aandag van personeel, ouers en leerders te bring. |
GETEKEN: BK SCHREUDER
HOOF: ONDERWYS
DATUM: 2010:11:03
|