1. Hieronder is die prosedures wat gevolg moet word tydens die afneem van die finale Naionale Senior Sertifikaat (NSS) se praktiese eksamen in die volgende vakke:

  1. Visuele Kunste

  2. Ontwerp

  3. Musiek
2. VISUELE KUNSTE EN ONTWERP
2.1 Die 2010 finale praktiese eksamenvraestelle vir Visuele Kunste en Ontwerp, d.w.s. Ontwerp Vraestel 2 (Prakties) en Visuele Kunste Vraestel 2 (Prakties), sal elk uit die volgende twee afdelings bestaan:

Afdeling A: Bronboek (of Werkboek)

Afdeling B: Die Kunswerk
2.2 Die praktiese eksamenvraestelle vir Ontwerp en Visuele Kunste is alreeds afgelewer by die skole wat hierdie vakke aanbied. Die doel van hierdie vroeë verspreiding van die vraestelle was om kandidate in te lig aangaande die navorsing wat hulle moes doen om Afdeling A van elke vraestel te kan beantwoord. Kandidate moes in 'n register geteken het vir die ontvangs van die vraestelle.
2.3 Tydens Kwartaal 3 moes kandidate voldoende navorsing voltooi het en alle gepaste materiaal ingesorteer in gereedheid vir Afdeling A van hierdie twee eksamenvraestelle. Afdeling A van elke eksamen moet voltooi word voor die begin van Afdeling B van die praktiese eksamen.
2.4 Afdeling B van hierdie twee eksamenvraestelle moet voltooi word tussen 13 September 2010 en die datum vir moderering by die eksamenlokaal en tydens normale onderrigtyd. Daar word voorgestel dat bloksessies van 4 - 6 uur oor 'n paar dae gereël word, tot al die kandidate hulle kunswerk of die kunsdissipline wat nodig is, voltooi het.
2.5 Daar moet streng toesig wees deur die Visuele Kunste- en/of Ontwerp-onderwyser tydens die afneem van die eksamen.
2.6 Die senior kurrikulumbeplanner en die kurrikulumadviseurs sal verseker dat alle praktiese werk nagesien en stiptelik gemodereer word. Die modereerdatums is gefinaliseer en is aan alle skole wat Visuele Kunste en Ontwerp aanbied bekendgestel.

3. MUSIEK

Die volgende prosedure moet gevolg word vir Musiek Vraestel 2 (Musiekbegrip):
3.1 Die WKOD sal elke skool of eksamensentrum vooraf van 'n kompakskyf (CD) voorsien.
3.2 Die CD sal afsonderlik van die vraestel vir Musiek, Vraestel 2 verpak word.
3.3 Die prinsipaal moet ontvangs erken van die CD en dit in 'n veilige plek bewaar.
3.4 Skole mag nie die CD kopieer nie en alleenlik die oorspronklike CD mag gebruik word.
3.5 'n Week voor die eksamen moet die musiekonderwyser, in die teenwoordigheid van die hoofopsiener, die CD en die klanktoerusting toets wat tydens die eksamen gebruik gaan word. Al die snitte op die CD moet getoets word.
3.6 Die musiekonderwyser en die hoofopsiener teken dat hulle die CD oopgemaak en getoets het.
3.7 Indien die CD defektief is, moet mnr Clive Berry van die Direktoraat: Eksamenadministrasie onmiddellik in kennis gestel word by tel. 021 467 2265.
3.8 Op die dag van die eksamen moet die musiekonderwyser die CD toets 'n uur voor die eksamen begin.
3.9 Gedurende die eksamen moet elke musieksnit die aantal keer gespeel word soos op die vraestel gespesifiseer is. Voldoende tyd moet toegelaat word tussen herhaalde snitte om die kandidate toe te laat om hulle antwoorde neer te skryf voor die volgende snit gespeel word.
3.10 Onder geen omstandighede mag 'n snit weer 'n keer gespeel word op versoek van kandidate nie.
3.11 Die CD-speler moet van batterye voorsien wees om te verseker dat die musiekuittreksels gespeel kan word in die geval van 'n kragonderbreking.
3.12 'n Geskikte lokaal en goeie klanktoerusting moet gebruik word om goeie klank en akoestiek te verseker.
3.13 Hierdie eksamen moet binne 1½ uur afgehandel word.
3.14 Al die kandidate moet die eksamenlokaal verlaat slegs wanneer die geskeduleerde tyd verstryk het. Geen kandidaaat mag toegelaat word om te gaan voor die geskeduleerde tyd verstryk het nie.
3.15 Die eksamen moet afgeneem word in die teenwoordigheid van die hoofopsiener.

4. U samewerking sal opreg waardeer word.


GETEKEN: BK SCHREUDER
HOOF: ONDERWYS
DATUM: 2010:09:21