| 1. |
Die Departement van Basiese Onderwys het alle provinsies ingelig dat die Jaarlikse Nasionale Assesserings (JNA's) vir graad 1 - 6 en graad 9, wat beplan is om in November 2010 afgeneem te word, uitgestel is. Hierdie JNA's sal afgeneem word in die eerste kwartaal van 2011. Skole sal ingelig word sodra die datums vasgestel is. |
| 2. |
Aangesien die uitslae van die JNA's in graad 1 - 6 in Gesyferdheid/Wiskunde en Geletterdheid/Tale ingesluit moes word as een van die formeel-aangetekende assesseringstake vir die vierde kwartaal, 2010, word skole aangeraai om voort te gaan met hulle eie interne assesseringstake in Gesyferdheid/Wiskunde en Geletterdheid/Tale in kwartaal 4, soos hulle in 2008 gedoen het. |
| 3. |
Die proses vir graad 9-leerders is nie geaffekteer nie, aangesien alle skole hul eie interne eksamens opstel. |
| 4. |
Die Jaarlikse Nasionale Assesserings moet nie verwar word met die WKOD se sistemiese toetse nie. Die WKOD sal steeds die provinsiale sistemiese toetse administreer vir Grade 3, 6 en 9 in die tydperk 6 - 19 Oktober 2010. |
| 5. |
Die Wes-Kaap Onderwysdepartement maak verskoning vir die ongerief. |
GETEKEN: PA VINJEVOLD
HOOF: ONDERWYS
DATUM: 2010:09:15
|