| 1. |
Imisebenzi yeCandelo loQuquzelelo lweMigaqo-nkqubo imi ngolu hlobo lulandelayo:
- Kukuqalisa lize liphonononge izicelo zokuphuhliswa komgaqo-nkqubo;
- Kukuququzelela ukulungelelaniswa (alignment) kwemigaqo-nkqubo;
- Kukulawula iRejista yeMigaqo-nkqubo (Policy Register);
- Kukulungiselela inkqubo yokwazisa imigaqo-nkqubo;
- Kukunika ingcebiso yobungcali nenkxaso ekwenziweni komgaqo-nkqubo;
- Kulungiselela inkqubo yezomthetho elandelwayo.
|
| 2. |
Njengomququzeleli wenkqubo yokwaziswa kwemigaqo-nkqubo kwiSebe iWCED, iCandelo loQuquzelelo loMgaqo-nkqubo linovuya ukwazisa ukuba ngoku lineziko lewebhu loququzelelo lwemigaqo-nkqubo apha http://wcedpolicy.pgwc.gov.za.
|
| 3. |
Injongo yeli ziko lewebhu kukuncedisa ekwaziseni umgaqo-nkqubo wezemfundo kwiPhondo laseNtshona Koloni.
|
| 4. |
Ukwenzela ukuncedisa ekwakheni umgaqo-nkqubo wokudala unxibelelwano nobudlelwane kuwo onke amanqanaba, eli ziko lewebhu liya kunika ithuba lokufikelela kwiRejista yeMigaqo-nkqubo yeSebe iWCED, apho abo balisebenzisayo banokukhangela khona imigaqo-nkqubo neenkqubo zecandelo ngalinye okanye zonyaka ngamnye. Kukwakho ne-resource page, evumela ukufikelela kwizigwebo phantsi komthetho wezemfundo eziwiswa yiNkundla ePhakamileyo, iMithetho kazwelonke neyephondo enxulumene nezemfundo, Ingxelo kaRhulumente ngeMigaqo-nkqubo yezemfundo (education White Papers), nemigaqo-nkqubo yezemfundo yephondo ngemiba eyahlukeneyo. Iziganeko ezicwangciswe leli candelo ziya kubhalwa kwidayari yeziko lewebhu ukunenzela lula.
|
| 5. |
Sijonge phambili ekusebenzisaneni nani kwaye siya kuzamkela iikhomenti zenu enizithumela ngekhompyutha (online comments) ezimalunga nokuphuculwa kweli ziko lewebhu.
|
ISAYINWE: NGU-L COLERIDGE
INTLOKO: YESEBE LEMFUNDO
UMHLA: 2009:11:18
|