1. Die Wes-Kaap Onderwysdepartement (WKOD) sal weer gedurende 9 tot 20 November 2009 navorsing oor die vlakke van geletterdheid en gesyferdheid van alle graad 6-leerders in die provinsie onderneem. Dit is die vierde ronde van toetsing vanaf 2003.
2. Prinsipale moet daarop let dat hierdie toetse WKOD-assesseringstoetse is en NIE die Nasionale Leerstigtingtoetse van die Nasionale Departement van Onderwys nie.
3. Die Graad 6-assessering het ten doel om prestasie te meet en om leerders se vordering met betrekking tot geletterdheid en gesyferdheid te bepaal. Hierdie assessering sal ook 'n remediërende funksie hê en sal die WKOD help met die beplanning van ondersteuning en ontwikkelingswerk by skole.
4. Die Graad 6-assesseringstoets sal gebaseer word op die standaarde soos uiteengesit in die Nasionale Kurrikulumverklaring (NKV).
5. Voorbereidings het begin en alle skole met graad 6-leerders sal mettertyd in kennis gestel word van die prosedure en ander administratiewe besonderhede.
6. Soos met die vorige assessering in 2007 sal die hele kohort van graad 6-leerders in 2009 getoets word.
7. Skole word versoek om besonderhede oor hulle graad 6-leerders gereeld op SOBIS by te werk. Die graad 6-leerderassesseringsregister sal op SOBIS geplaas word onder die hoof "ASSESSMENT" sodat skole dit twee dae voor die toetsdag kan invul en uitdruk. Die Leerderassesseringsregister sal beskikbaar wees aan die begin van September 2009. Vir maklike verwysing sal die leerders in die leerderassesseringsregister alfabeties in klaskamers geplaas word. (Die SOBIS-administrateur moet die leerderassesseringsregister uitdruk sodat graad 6-klasonderwysers gegewens in die kolomme deeglik kan nagaan en voltooi, en enige foute kan regstel. LW: Die betrokke graad 6-klasonderwyser moet die toepaslike kolomme invul. Wanneer dit afgehandel is, moet die SOBIS-administrateur die inligting wat van die graad 6-klasonderwysers ontvang is, in die graad 6-leerderregister op SOBIS vaslê.)
8. Die Vraelys vir Prinsipale en die Vraelys vir Onderwysers vir alle Intermediêre Fase -onderwysers sal ook op SOBIS geplaas word. Die vraelyste moet twee dae voor die toetsdag ingevul en uitgedruk word en aan die toetsadministrateur oorhandig word. Die vraelyste sal vanaf die begin van die vierde kwartaal beskikbaar wees.
9. Prinsipale word weer eens daaraan herinner dat hulle graad 6-leerderinligting op SOBIS vasgelê en korrek MOET wees aangesien dit die skool se uitslae en dié van die Kring, Distrik en Provinsie beïnvloed. Om verwysing te vergemaklik is die verslae op SOBIS onder "ASSESSERINGS" geplaas.
10. Enige navrae rakende die inhoud van hierdie minuut moet gerig word aan dr RS Cornelissen by telefoonnommer 021 467-2286 of per e-pos by rcornelissen@pgwc.gov.za
11. Die inhoud van hierdie minuut moet onder die aandag van alle betrokkenes en veral van die graad 6-onderwysers gebring word.
U samewerking sal waardeer word.


GETEKEN: A SIYENGO
WND. HOOF: ONDERWYS:
DATUM: 2009:09:02