Die DVD is gemik daarop om Nasionale Beleid oor heelskoolevaluering (HSE) te verduidelik, ooreenkomstig die Staatskoerant No. 22512 en demonstreer die HSE-proses. Skole moet die DVD gebruik saam met die HSE Kriteria en Riglyne, wat die standaarde verskaf vir die prestasie van skole;

• vir professionele ontwikkeling van skoolpersoneel;
• vir opleiding van skoolbelanghebbende groepe, soos die skool se beheerliggaam, ouers en die gemeenskap, ter voorbereiding van 'n skool se self-evaluering ;
• vir induksieopleiding van departementele beamptes.

Benewens dit het die Direktoraat: Gehalteversekering 'n webtuiste geskep om skole en departementele beamptes te ondersteun deur:

• as inligtingsentrum te dien oor onderwysstandaarde en die monitering en evalueringsprosesse; en
• elektroniese dialoog en terugvoer wat fokus op die verbetering van onderwys te stimuleer.

As deel van die deurlopende propagering van gehalteversekering, word die volgende plakkate na alle skole aangestuur:

• Gehalteversekeringsmodel vir Heelskool-ontwikkeling: Dit skets die 3 sleutelprosesse vir 'n leerdergesentreerde benadering tot heelskoolontwikkeling;
• Heelskoolevaluering: Dit skets die liniêre proses van HSE;
• Skool-selfevaluering Verskillende modelle word verskaf, wat toegepas kan word ooreenkomstig die konteks van die skool;
• Prestasiebepaling: 'n Leerorganisasie Hierdie is bronne van opvoederontwikkeling om te verseker dat die WKOD 'n dinamiese leerorganisasie word;
• Nege Areas vir Evaluering Hierdie fokusareas verseker 'n holistiese evaluering van skole;
• Thetha Nathi: Dit is die WKOD se fasiliteit vir komplimente/klagtes wat daarop gemik is om diens te verbeter.