1. Die funksies van die Direktoraat: Beleidskoördinering is soos volg:
  • Inisieer en evalueer versoeke om beleidsontwikkeling;
  • Fasiliteer beleidsgerigtheid;
  • Bestuur die Beleidsregister;
  • Fasiliteer die beleidskommunikasieproses;
  • Verskaf deskundige advies en ondersteuning ten opsigte van beleidsontwikkeling;
  • Fasiliteer die wetgewende proses.
2. As die fasiliteerder van die beleidskommunikasieproses in die WKOD, maak die Direktoraat: Beleidskoördinering graag bekend dat ons nou 'n beleidskoördineringwebtuiste het by http://wcedpolicy.pgwc.gov.za.
3. Die webtuiste is daarop gemik om behulpsaam te wees rakende die kommunikasie rondom onderwysbeleid in die Wes-Kaapprovinsie.
4. Ten einde hulp te verleen met die bou van beleidsnetwerke en verhoudings op alle vlakke sal hierdie webtuiste toegang verleen tot die Beleidsregister van die WKOD waar gebruikers toegang kan verkry tot die beleide en prosedures per direktoraat of van 'n spesifieke jaar. Daar is ook 'n hulpbronbladsy wat toegang verleen tot uitsprake in onderwyswetgewing wat deur Suid-Afrikaanse howe gelewer is, nasionale en provinsiale Wette rakende onderwys, Onderwyswitskrifte en provinsiale onderwysbeleid oor 'n verskeidenheid sake. Geleenthede wat deur hierdie direktoraat beplan word, sal vir u gerief op die webtuiste se dagboek verskyn.
5. Ons sien uit daarna om met u saam te werk en sal u aanlynkommentaar oor hoe om die webtuiste te verbeter, verwelkom.


GETEKEN: L COLERIDGE
HOOF: ONDERWYS
DATUM: 2009:11:18