| 1. |
Die vaslegging van die 2009-bevorderingsuitslae aanlyn op die SOBIS sal van Maandag, 16 November 2009 moontlik wees.
|
| 2. |
Die prosedure sal dieselfde wees as dié van 2008.
|
| 3. |
Maak asseblief seker dat slegs die leerders wat tans by u skool geregistreer is en wat 'n finale bevorderingsuitslag van u skool gaan kry, op SOBIS verskyn.
|
| 3.1 |
Enige leerder wat die skool verlaat het om na 'n ander skool te gaan, moet uit SOBIS oorgeplaas word.
|
| 3.2 |
Enige leerder wat na 'n ander provinsie of land gegaan het, moet op SOBIS gederegistreer word.
|
| 3.3 |
Enige leerder wat by u skool is, maar wat nie op SOBIS is nie, moet oorgeplaas word in die stelsel in sodat die leerder as tans by u skool verskyn.
|
| 3.4 |
Alle kontrolering en regstelling van leerders by skole moet teen Vrydag, 13 November 2009 voltooi wees, omdat oorplasings of registrasies nie gedoen kan word wanneer SOBIS op Maandag, 16 November 2009 na bevorderingsmodus verander nie.
|
| 4. |
Vaslegging van bevorderingsuitslae aanlyn
|
| 4.1 |
Sit die pyltjie op Promotions 2009 op die SOBIS-menu en kliek op Promotion Summary.
|
| 4.2 |
Kliek op die blou hiperskakelgraad waarin u die bevorderingsuitslae wil vaslê. 'n Lys name van leerders in die graad sal verskyn.
|
| 4.3 |
U kan 'n klasgroep in die graad kies indien u die bevorderingsuitslae van leerders per klas wil vaslê. Daar is 'n klaskiesopsie in die boonste deel van die skerm.
|
| 4.4 |
Daar is drie stappe om 'n bevorderingsuitslag aan 'n leerder of groep leerders toe te ken:
|
| 4.4.1 |
Kontroleer die leerder (Kliek op die blokkie langs die naam van die leerder.) Die Check all-knoppie bokant die getalle laat u toe om al die leerders gelyktydig te kontroleer. Die Uncheck all-knoppie verwyder die regmerkies langs die leerders se name;
|
| 4.4.2 |
Kies die bevorderingsuitslag wat op die gekontroleerde (geselekteerde) leerders van toepassing is. Hierdie opsies sal wees Ready to progress (RP) of Not Ready to progress (NRP) vir graad 1 tot 8 terwyl Promoted (P) of Not promoted (NP) vir leerders in graad 9 tot 11 sal verskyn;
|
| 4.4.3 |
Kliek op die Submit-knoppie;
|
| 4.4.4 |
Die bevorderingsopsommingstabel sal aandui of 'n bevorderingstatus aan al die leerders toegeken is. Die getal leerders wat nog 'n bevorderingstatus moet kry, sal deur 'n blou syfer in die linkerkantste kolom aangedui word. As die kolom aan die linkerkant 0 (nul) vir al die grade bevat, beteken dit dat 'n bevorderingsuitslag aan alle leerders toegeken is.
|
| 4.5 |
Grensgevalle, wat onder die aandag van die IBB-bestuurder gebring moet word, kan as sodanig vasgelê word voordat die prinsipaal met die IBB-bestuurder vergader. 'n Nota kan bygevoeg word vir die vaslegging van enige belangrike inligting oor die leerder wat die prinsipaal sou wou hê die IBB-bestuurder in gedagte moet hou wanneer daar oor die bevorderingsuitslag van die leerder besluit word. Die IBB-bestuurder sal die bevorderingsuitslag van elke grensgeval vaslê.
|
| 4.6 |
Voorgraad R- en graad R-leerders op SOBIS sal outomaties na die volgende graad bevorder word. Die skool moet aandui watter leerders die graad moet herhaal deur die leerders te kies en hulle bevorderingstatus na NRP te verander.
|
| 4.7 |
Die prinsipaal moet die proses bestuur wat sal verseker dat die bevorderingsuitslag wat vir elke leerder op SOBIS vasgelê word, presies ooreenstem met die bevorderingsuitslag wat op die skool se bevorderingskedule verskyn. Sorg moet gedra word dat die bevorderingsuitslag akkuraat vasgelê word. Die prinsipaal moet in staat wees om aan die IBB-bestuurder te wys dat die skoolbevorderingskedule vir elke graad ooreenstem met die skool se SOBIS-bevorderingskedules.
|
| 5. |
Die SOBIS-bevorderingskedule
|
| 5.1 |
Nadat die bevorderingsuitslae vir al die leerders in die graad gefinaliseer en vir korrektheid geverifieer is, kan die finale SOBIS-bevorderingskedule uitgedruk word.
|
| 5.2 |
Hierdie skedule moet aan die IBB-bestuurder gegee word tesame met die skoolbevorderingskedule. Die prinsipaal moet aan die IBB-bestuurder kan wys dat die skool- en SOBIS-bevorderingskedules ooreenstem.
|
| 5.3 |
Daar moet bevestig word dat die leerders wat aangedui word as NRP of NP op die skool se skedule ooreenstem met die name op die SOBIS-skedule en dieselfde bevorderingstatus het.
|
| 5.4 |
Indien enige veranderings aan die skool se bevorderingskedule aangebring word (dit is die meesterskedule) op die dag wat die IBB-bestuurder en die prinsipaal vergader om die skool se bevorderings en vorderings af te handel, moet die veranderinge ook op die SOBIS- aanlynbevorderingsprogram aangebring word.
|
| 5.5 |
Die prinsipaal en die IBB-bestuurder moet albei skedules onderteken om hulle korrektheid te bevestig en hierdie dokumente tot amptelike rekords van die graad- en die bevorderingstatus van elke leerder te maak. Die IBB-bestuurder sluit dan die bevorderingsfunksie op SOBIS vir die skool.
|
| 6. |
Vir hulp of navrae, kontak asseblief u IBB-bestuurder of SOBIS-administrateur by u onderwysdistrikskantoor of Hoofkantoor. Die nommers is beskikbaar op SOBIS onder die administratiewe funksie.
|
| 7. |
Dankie vir u harde werk en samewerking gedurende die afgelope jaar. Die SOBIS-administrasie wens u en u skool alles van die beste toe met die jaareindeksamens en hulle administrasie.
|
| 8. |
Bring asseblief die inhoud van hierdie minuut onder die aandag van alle betrokkenes.
|
GETEKEN: S HANSRAJ
HOOF: ONDERWYS
DATUM: 2009:11:10
|