1. Die herstrukturering van die WKOD wat 1 April 2008 van krag geword het, het tot gevolg gehad dat nuwe direktorate ontstaan het en dat funksies heringedeel is. Hierdie veranderings het weer meegebring dat elke direktoraat se liasseerbehoeftes hersien moes word.
2. Om in elke direktoraat se behoeftes te kan voorsien en om eenvormigheid te waarborg, het dit noodsaaklik geword dat 'n nuwe liasseerstelselsel spoedig ontwerp word. U insette word dus dringend benodig.
3. Dit sal waardeer word indien u die Rekordbestuurder voor 6 February 2009 kan voorsien van 'n lys van onderwerpe van lêers wat geopen behoort te word. Dit sal egter baie tyd bespaar indien die beskrywings so omskrywend as moontlik deurgegee kan word, bv. Opleiding (KS-opvoeders) of Opleiding (nie-KS-opvoeders).U insette kan aan mnr I A Opperman per e-pos (iopperman@pgwc.gov.za) of kamer 6-21, Grand Central gebou te Hoofkantoor gestuur word.
4. U samewerking in bogemelde verband sal waardeer word.


GETEKEN: S HANSRAJ
HOOF: ONDERWYS
DATUM: 2009:01:08