| 2. |
Die doel van hierdie minuut is om die proses vas te lê wat deur gewone openbare skole gebruik moet word wanneer gewone openbare skole tydens die laaste kwartaal van 2009 en die eerste kwartaal van 2010 om addisionele poste aansoek doen.
|
| 3. |
Addisionele poste is poste waarvoor gewone openbare skole aansoek doen en wat addisioneel is tot die opvoederpersoneeldiensstaat vir die 2010 kalenderjaar (wat aan elke skool in 2009 uitgereik is). |
| 4. |
Daar is twee tipes addisionele poste, nl. groeiposte en kurrikulumposte: |
| 4.1 |
'n Groeipos is 'n pos waarvoor 'n gewone openbare skool aansoek doen as gevolg van 'n aansienlike toename in leerderinskrywing, soos op die SOBIS sowel as op die leerderteenwoordigheidsregister van die skool gereflekteer, vanaf Maart 2009 (leerderinskrywingsgetal vir skool vir 2009 soos aangedui op die personeeldiensstaatbrief vir 2010) tot die tiende skooldag van 2010; |
| 4.2 |
'n Kurrikulumpos is 'n pos waarvoor 'n gewone openbare skool aansoek doen as gevolg van die uitbreiding van die skool se kurrikulum (wat deur die WKOD goedgekeur moes gewees het) of enige ander kontekstuele onderwysfaktor wat 'n gewone openbare skool sou verhinder om die kurrikulum doeltreffend en effektief te lewer. |
| 5.1 |
Aansoek om groeiposte sal slegs oorweeg word op die basis van die leerderinskrywing van die gewone openbare skool soos op 26 Januarie 2010 (die tiende skooldag) en op voorwaarde dat daar steeds poste in die posmandjie beskikbaar is. Die skool mag alleenlik aansoek doen indien die skoolhoof die skool se tiendedag leerderinskrywingsgetal vir 2010 afgeteken het. Die prinsipaal moet seker maak dat die getal leerders op die SOBIS ooreenstem met die getal leerders soos aangedui in die leerders se klasbywoningsregisters vir 2010. Deur die tiendedag-leerdertotaal van die skool af te teken, sertifiseer die kringspanbestuurder (KSB) die skool se tiendedag-leerdertotale. |
| 5.2 |
'n Aansoek om 'n groeipos moet aanlyn gedoen word. 'n Aansoek om 'n groeipos wat nie aanlyn gedoen word nie, sal nie deur die WKOD oorweeg word nie. |
| 5.3 |
Wanneer 'n skool om 'n groeipos aansoek doen, hoef die skool nie 'n geskrewe motivering te verskaf nie. Die skoolhoof moet egter bevestig dat daar genoegsame en geskikte akkommodasie beskikbaar is vir die addisionele opvoeder(s) sowel as vir die addisionele leerders. Die WKOD mag, egter, die onderwysdistriksbeamptes of enige ander agentskap versoek om 'n koppetelling van leerders en/of 'n oudit van leerdergetalle uit te voer. |
| 5.4 |
Die skool mag alleenlik aansoek doen om 'n groeipos indien daar 'n aansienlike toename in leerderinskrywing is. Die skool moet die leerdertotaal vir 2009, soos op die 2010 personeeldiensstaatbrief aangedui, aftrek van die tiendedag-totaal vir 2010. 'n Skool sal vir 'n groeipos kwalifiseer indien die verskil tussen hierdie twee getalle ten minste vyf-en-dertig (35) is vir 'n sekondêre skool en veertig (40) vir 'n primêre skool. Die getal groeiposte waarvoor 'n skool kwalifiseer, sal op die volgende wyse bereken word: die groeitotaal word verdeel deur 35 en 40 vir sekondêre en primêre skole onderskeidelik, en die som sal afgerond word tot die vorige heelgetal, d.w.s. 4,8 sal 4 word en nie 5 nie. |
| 5.5 |
'n Skool wat in 2009 vir 2010 aansoek gedoen het om 'n addisionele kurrikulumpos en dit ontvang het, sal nie vir 'n groeipos in 2010 kwalifiseer nie, tensy die skool vir meer groeiposte in 2010 kwalifiseer as die getal kurrikulumposte wat die skool in 2009 vir 2010 ontvang het. In so 'n geval sal die skool die verskil ontvang. |
| 5.6 |
Om die tiendedag-leerderinskrywingstotaal van die skool te bepaal, moet die skoolhoof seker maak dat die volgende leerders oorgeplaas of gederegistreer word op SOBIS en van die skool se leerderbywoningsregister sowel as die skool se toelatingsregister afgehaal word: |
| 5.6.1 |
Leerders wat die skool verlaat het of uitgesak het aan die einde van 2009 om watter rede ookal; |
| 5.6.2 |
Leerders wat 'n oorplasingsertifikaat van die skool ontvang het; |
| 5.6.3 |
Leerders wat nie skool bygewoon het vir enige van die eerste tien skooldae van die 2010 -akademiese jaar nie. |
| 5.7 |
Die aansoek om 'n groeipos deur 'n gewone openbare skool sal slegs op die volgende voorwaardes oorweeg word: |
| 5.7.1 |
Die kwalifikasies en ervarings van al die onderwysers by die skool moet vasgelê wees op die kwalifikasiedatabasis (KDB) van die Menslikekapitaal-verlofbestuurstelsel (MK-VBS); |
| 5.7.2 |
Die leerdertotale van die skool moet op SOBIS bygewerk wees; |
| 5.7.3 |
Alle leerders moet in klasse geplaas wees en op SOBIS vasgelê wees; |
| 5.7.4 |
Al die vakke van al die leerders (met die moontlike uitsondering van graad 10-leerders) in die skool moet op SOBIS vasgelê wees. |
| 5.8 |
Gewone openbare skole mag aansoek doen om groeiposte vanaf 16:00 op Woensdag 13 Januarie tot 15:00 op Vrydag, 5 Februarie 2010. Geen laat aansoeke sal oorweeg word nie. |
| 6.1 |
Aansoeke om kurrikulumposte moet aanlyn gedoen word op SOBIS. |
| 6.1.1 |
Dit kan plaasvind vanaf 10:00 op Maandag, 5 Oktober 2009 tot Vrydag 23 Oktober 2009 om 15:00. Geen aansoek tydens die eerste rondte sal oorweeg word indien dit na 15:00 op Vrydag, 23 Oktober 2009 voorgelê is nie. |
| 6.1.2 |
Indien 'n skool tydens die eerste rondte om 'n kurrikulumpos aansoek doen, word daar ook van die skool verwag om 'n lys in te lewer van die name en vanne van nuwe leerders wat vir die 2010 akademiese jaar ingeskryf het, saam met elke leerder se SOBIS-nommer, geboortedatum, huidige graad, huidige skool (waar van toepassing), sowel as die naam van een van die ouers en sy of haar telefoonkontaknommers. Vir u gerief is 'n voorbeeld aangeheg as Bylae D. |
| 6.1.3 |
Die aansoek van 'n skool wat nie die vaslegging van sy opvoederdata op die KDB van die MK-VBS voltooi het nie sal nie oorweeg word nie. Die voltooide vaslegging moet deur die betrokke KSB of IBB-bestuurder geverifieer word. |
| 6.1.4 |
Al hierdie aanlynaansoeke sal geprosesseer word deur die Direktoraat: Menslikekapitaalbeplanning van die WKOD teen Dinsdag, 30 November 2009. |
| 6.1.5 |
Skole sal teen 11 Desember 2009 in kennis gestel word van die uitkoms van die eerste rondte van hulle aansoeke om kurrikulumposte. |
| 6.1.6 |
Skole sal vroeg in 2010 'n tweede kans gegun word om aansoek te doen om kurrikulumposte. |
| 6.1.7 |
Vir hierdie tweede rondte mag skole aansoek doen vanaf 16:00 op Woensdag, 13 Januarie 2010 tot 15:00 op Vrydag, 5 Feruarie 2010. |
| 6.1.8 |
Geen aansoeke sal na 15:00 op Vrydag, 5 Februarie 2010 oorweeg word nie. |
| 6.1.9 |
Skole sal in kennis gestel word van die uitkoms van hulle aansoeke van die tweede rondte teen Dinsdag, 31 Maart 2010. |
| 6.2 |
Aansoeke om kurrikulumposte moet ten volle skriftelik gemotiveer word. |
| 6.3 |
'n Gewone openbare skool se aansoek om 'n kurrikulumpos sal slegs op die volgende voorwaardes oorweeg word: |
| 6.3.1 |
Die skool moet bewys lewer dat geen personeellid op die personeel in staat sal wees om die vakke of leerareas of die fase te onderrig waarvoor die skool 'n opvoeder soek nie; |
| 6.3.2 |
Die leerdertotale van die skool moet bygewerk wees op SOBIS en ooreenstem met die leerdertotale in die skool se leerderbywoningsregister sowel as die skool se toelatingsregister. Dit moet deur die Kringspanbestuurder of die IBB-bestuurdeer geverifieer word; |
| 6.3.3 |
Alle leerders is in klasse geplaas en hierdie klaslyste moet op SOBIS vasgelê word; |
| 6.3.4 |
Al die vakke van al die leerders in die skool moet op die SOBIS vasgelê wees; |
| 6.3.5 |
Die skoolhoof het bevestig en die KSB het geverifieer dat daar genoegsame en geskikte akkommodasie beskikbaar is vir die addisionele opvoeder(s); |
| 6.3.6 |
Die skool het sy opvoederdata bygewerk (personeel wat besoldig word deur die WKOD of deur die SBL) op die KDB of die MK-VBS; |
| 6.3.7 |
'n Personeellid van die Subdirektoraat: Kennis en Inligtingsbestuur moes aangedui het dat alle SOBIS-data vir die skool behoorlik bygewerk is, dat daar geen duplikaatleerders is nie en dat daar rekord is op die SOBIS van al die leerders wat gederegistreer of uitgeplaas is. |
| 6.3.8 |
Die skoolhoof moes die volgende voltooi het en vasgelê het op SOBIS:
- Bylae A (Skedule van Onderwysertoekenning);
- Bylae C (Skedule onderrigtyd);
|
| 6.3.9 |
Die skoolhoof moes die volgende voltooi en ge-e-pos het:
- Bylae B (Skedule van onderwyseraanwending);
- Bylae D (lys van name van al die nuwe leerders);
Hierdie twee dokumente moet ge-e-pos word na u KSB (hierdie e-posadres moet van die KSB verkry word), distriksdirekteur (e-pos verkrygbaar van u distriksdirekteur) en die Direkteur: Menslikekapitaalbeplanning (by e-posadres avmalgas@pgwc.gov.za). |
| 6.3.10 |
Die geskrewe motivering oor SOBIS moet die volgende aandui:
- Hoe die addisionele opvoeder(s) aangewend sal word (met insluiting van nuwe poste waarvoor aansoek gedoen is);
- Hoekom die opvoeders van die huidige personeel nie die vak(ke) of leerarea(s) kan aanbied waarvoor die addisionele opvoeders benodig word nie.
Voorbeelde van voltooide skedules is vir u gerief by hierdie minuut aangeheg.
|
| 7.1 |
Die kringspanbestuurder (KSB) moet seker maak dat daar geen botallige opvoeders in hulle kring of aangrensende kring is nie, wie se dienste moontlik aangewend kan word om in die behoeftes van die betrokke skool te voorsien nie. Indien so 'n bo-tallige opvoeder geïdentifiseer is, moet die Direktoraat: Interne Menslike-kapitaaladministrasie in kennis gestel word. |
| 7.2 |
Onder geen omstandighede mag 'n prinsipaal 'n opvoeder aanstel voor geskrewe kennis van goedkeuring van die Direktoraat: Menslikekapitaalbeplanning ontvang is nie. |
| 7.3 |
'n Skool sal in kennis gestel word en ingelig word via e-pos aangaande die status van sy aansoek. Indien u skool skakelingsprobleme ondervind, skakel asseblief u KSB. |
| 7.4 |
Die skoolhoof moet seker maak dat alle leerderbesonderhede bygewerk is op SOBIS voor die skool poog om vir 'n addisionele pos aansoek te doen. |
| 7.5 |
Skole moet seker maak dat alle leerderbesonderhede (vakinligting ingesluit) voltooi is teen Vrydag, 12 Februarie 2010 vir die 2010-posvoorsieningfase. Alle deregistrasies en uitplasings moet deur die skool voltooi wees teen Maandag, 1 Februarie 2010. |
| 7.6 |
Indien u skool enige skakelingsprobleme ervaar terwyl daar om 'n pos aansoek gedoen word, skakel asseblief u KSB om u by te staan. |
| 8. |
Die skool moet seker maak dat die getal personeellede wat aan die skool toegeken is volgens die 2010 opvoederdiensstaat in staat sal wees om die getal vakke en kombinasies wat die skool beplan om in 2010 aan te bied, te hanteer. Sommige skole bied 'n vakkeuse aan wat te wyd is, met die gevolglike negatiewe uitwerking op faktore soos klasgrootte, aanbod en aanvraag vir onderwysers in skaars vakke, en die skoolgeld wat gehef moet word. |
| 9. |
U word versoek om spesiale aandag te gee aan paragrawe 2.3 , 2.7.2 , 2.14 en 3.4 in Omsendbrief 0031/2009. |
| 10. |
Indien u wil aansoek doen om 'n addisionele pos, log in op CEMIS, kliek op Administration en kliek dan op óf Growth application óf Curriculum application, afhangende van die soort pos waarvoor u aansoek doen. |
| 11. |
Bring asseblief die inhoud van hierdie omsendbrief onder die aandag van alle onderwyspersoneel en lede van die bestuursliggaam. |
GETEKEN: WILLIAM JS JANTJIES
HOOF: ONDERWYS
DATUM: 2009:09:25
|