| 1. |
Die Wes-Kaap Onderwysdepartement (WKOD) het in 2008 'n Kwalifikasiesdatabasisprojek (QDP) in 200 skole geloods. Dit was gemik op die insameling van data oor die kwalifikasies, vaardighede en ondervinding van opvoeders by daardie skole. As gevolg van die samewerking van die hoofde en personeellede van daardie skole is hierdie loodsprojek met groot sukses afgehandel. Ons wil graag die betrokke skole hiervoor bedank. |
| 2. |
Die dataversamelingsinstrument is sedertdien verbeter en is nou gereed om gebruik te word in alle skole in die Wes-Kaapprovinsie ten einde al die kwalifikasies, ondervinding en vaardighede van alle werknemers in inrigtings onder die beskerming van die WKOD vas te lê. Fase een sal aandag gee aan die vaslegging van die kwalifikasies en vaardighede van die opvoeders (besoldig deur die staat of deur die skoolbeheerliggaam, permanente sowel as kontrakopvoeders en plaasvervangers) in die stelsel. |
| 3. |
Die WKOD sal gedurende Mei 2009 'n reeks promosietoere by verskillende plekke in die onderwysdistrikte onderneem. |
| 3.1 |
U skool moet by een van hierdie werkswinkels verteenwoordig word deur ten minste een van u personeellede (skoolhoof of 'n verteenwoordiger op die skoolbeheerspan, en moontlik die sekretaresse of die persoon wat verantwoordelik sal wees vir die vaslegging van die data op die instrument). |
| 3.2 |
U sal deur u onderwysdistrikskantoor ingelig word oor die plek, datum en tyd van die werkswinkel naaste aan u skool. Aangeheg vind u 'n lys van die datums waarop ons in u onderwysdistrik sal wees. |
| 3.3 |
Vir inligting rakende die logistieke reëlings vir die promosietoer, gesels asseblief met u Kringspanbestuurder (KSB). Vir inligting oor die projek, tree gerus in verbinding met die Direktoraat. Menslikekapitaalbeplanning by 021 467 2073/2053/2288. |
| 4. |
Die projek sal verseker dat die WKOD sal beskik oor betroubare inligting om ingeligte besluite te kan neem rakende die strategieë wat toegepas moet word en watter intervensies toepaslik sal wees om ons werknemers en werknemers wat deur die skoolbeheerliggaam besoldig word te help om beter toegerus te wees vir die uitdagings waarmee hulle in skole te kampe het. |
| 5. |
Inligting rakende die presiese getal opvoeders wat 'n spesifieke vak of leerarea in die stelsel onderrig, sal ook die WKOD in staat stel om beter te beplan en vooruitskattings te maak vir die toekomstige menslikehulpbronbehoeftes van die onderwystelsel in hierdie provinsie, en om die soort intervensies wat tans en in die toekoms benodig word te identifiseer ten einde aandag te kan gee aan moontlike gapings. |
| 6. |
Die WKOD onderneem hierdie projek in reaksie op skole se stryd om gekwalifiseerde opvoeders in sekere vakke te bekom en omdat hierdie inligting benodig word deur die staande komitee oor onderwys en die kantoor van die Ouditeur-Generaal. Die WKOD sal dus ook hierdie data en sy planne deel met ander belanghebbendes in die onderwys, bv. die provinsiale wetgewer se staande komitee oor onderwys. |
| 7. |
Aangeheg vind u 'n DHP QDP- 1-vorm (ingeval u skool nie tans oor 'n stelsel beskik nie), wat u opvoeders moet invul ter voorbereiding van die projek. As die personeellid die vorm ingevul het, moet hy of sy dit voor 29 Mei 2009 indien by die skoolhoof wat reëlings moet tref dat die inligting voor 26 Junie 2009 op die instrument vasgelê word. |
| 8. |
Die DHP QDP - 1-vorm bevat tans die minimum inligting wat die WKOD van 'n opvoeder sal verlang. Alhoewel ons versoek dat die opvoeder sy of haar besonderhede op hierdie vorm moet invul, moet daar gemeld word dat hierdie inligting in die instrument ingevoer sal word vanaf PERSAL en dan bygewerk sal word tydens die vasleggingsproses. |
| 9. |
Al die inligting van al die opvoeders moet teen 26 Junie 2009 vasgelê wees. |
| 10. |
Fase twee en drie (word later vanjaar geïmplementeer) sal aandag gee aan die verifikasie van die inligting wat voorsien is. Gedurende fase twee sal die opvoeder bevestig dat die inligting wat deur hom of haar verstrek is, korrek is. |
| 11. |
Ons versoek verder dat alle opvoeders gewaarmerkte kopieë van al hulle kwalifikasies of sertifikate indien by die skoolhoof teen Vrydag 15 Mei 2009. Hierdie kopieë moet bewaar word in die opvoeder se lêer op 'n veilige plek by die skool. |
| 12. |
Indien u enige navrae het, moet asseblief nie huiwer om in verbinding te tree met me Margaret Delo by tel. 021 467 2073/2053/2288 nie. |
| 13. |
Bring asseblief die inhoud van hierdie minuut onder die aandag van alle personeel- en skoolbeheerliggaamlede, en versoek hulle om 'n erkenning van ontvangs te teken. |
| 14. |
U samewerking sal op prys gestel word. |
GETEKEN: WILLIAM JS JANTJIES
HOOF: ONDERWYS
DATUM: 2009:04:24
|