1. Voortvloeiend uit die verklaring van die eerste Pan-Afrikaanse Konferensie van Staatsdiensministers in 1994, het die Minister ingestem dat 23 Junie jaarliks gevier moet word as Afrika-staatsdiensdag (ASD) om die waarde en edelheid van diens aan die gemeenskap te erken. ASD is 'n verskanste strategiese gebeurtenis op die Afrika-unie-kalender en was sedertdien deel van die kontinentale strategie om staatsdiensadministrasieprogramme sowel as prestasie en beheer van die openbare sektor te bevorder.
2. Die besluit van die Minister se kantoor - wat een tema behels - sal uitvoering gee aan "die lewering van gehaltediens vir deurlopende ontwikkeling" deur op die volgende te fokus:
  • Die burgers
  • Betrokkenheid van deelnemers van buite die staatsdiens
  • Innovasie in dienslewering
  • Bevordering van dienslewering deur inligting- en kommunikasietegnologie
3. Alle regeringsdepartemente binne die Wes-Kaap sal deelneem aan die viering van ASD en op die bogenoemde areas fokus tydens Staatsdiensweek (SDW) in 2009.
4. Vir hierdie doel sal die WKOD ASD op 23 Junie 2009 vier, deur die bekendstelling van die aangehegte gebruikersvriendelike voorstelle om diens te verbeter aan ons kosbaarste bate, ons kliënte (met inbegrip van ons personeel). Hierdie viering sal slegs suksesvol wees indien alle personeel te Hoofkantoor en die onderwysdistrikte ten volle en toegewyd deelneem. Die impak van die gekombineerde poging van Hoofkantoor en distrikskantore sal gehalteverseker wees en aan kliënte gerapporteer word.
5. Tydens die Staatsdiensweek (29 Junie - 3 Julie 2009) mag die ingangsportale van die hoofkantoor en onderwysdistrikskantore gebruik word vir uitstallings vir verskillende direktorate en subdirektorate om hulle individuele bydraes te vertoon ten opsigte van "die lewering van gehaltediens vir volhoubare ontwikkeling".
6. Die aangehegte Bylae A gee voorbeelde van projekte wat sal inpas by die tema van SDW in 2009. Direktorate word versoek om teen 24 Junie 2009 met Mnr Leslie Daniels, DLVP koördineerder, by tel. 021 467 2059 of e-pos ledaniels@pgwc.gov.za te bevestig indien hulle 'n uitstalling te Hoofkantoor wil reël. Uitstallings moet gemonteer - en beman word, indien daar besorgdheid oor sekuriteit bestaan - deur die betrokke direktorate. Dit mag vir 1 of 2 dae uitgestal word, afhangende van die aanvraag. Direktorate word aangemoedig om van hierdie geleentheid gebruik te maak. Die finale Hoofkantoorprogram vir SDW sal na alle personeel ge-e-pos word sodra dit goedgekeur is.
7. Maak asseblief die inhoud van hierdie minuut bekend aan die personeel in u komponent.


GETEKEN: AMJ SCHLEBUSCH
HOOF: ONDERWYS
DATUM: 2009:01:05

Praktiese Voorstelle oor hoe om diens te verbeter  (grootte: 13 KB)
Bylae A: Voorbeelde van Inisiatiewe wat Direktorate of Subdirektorate kan neem  (grootte: 41 KB)