Alumni van skole wêreldwyd het op verskillende maniere oudleerlingverenigings gestig en bedryf. Somtyds is dit suiwer met die oog op sosiale byeenkomste en reünies. Aan die meer georganiseerde kant van die kontinuum sal sommige verenigings egter fondse bymekaarmaak vir beurse vir studente van hulle ou skole of op ander maniere probeer help dat hulle op verskeie terreine sukses behaal.

As deel van ons breër "Gemeenskapsterugploegprogram" het ons 'n paar organisasies genader vir praktiese raad oor hoe om so 'n vereniging te laat werk en die gevolg daarvan is die ingelote boekie. Die boekie is ook elektronies beskikbaar op die WKOD-webtuiste (sien skakel hieronder) via die alfabetiese indeks.

Deelnemers aan die oefening het vriendelik ingestem dat ons aan u hulle kontakbesonderhede verskaf, indien u verdere praktiese raad benodig.

Ons sou baie graag die impak van hierdie inisiatief wou naspoor en wil enige nuwe organisasie aanmoedig om Zoliswa Lonja te kontak by tel.no. 021 467 2070 of by zlonja@pgwc.gov.za om u vordering bekend te maak.

Hierdie boekie is selfverduidelikend. Dit is 'n handleiding wat stories bevat van interaksies tussen skole en gemeenskappe wat tot stand gekom het as gevolg van die Gemeenskapskoolinisiatief van 2006. Ons het 'n navorsingspan aangestel om die vordering na te spoor van 'n paar voorbeelde uit die 200 soortgelyke inisiatiewe wat destyds onderneem is. Die resultate sorg vir bemoedigende leesstof. Ons is oortuig dat sodanige pogings op vele maniere dividente afwerp en ons sal voortgaan om hierdie soort oefening te vorm en te ondersteun.

Die WKOD het stimulus en beskeie ondersteuning verskaf aan 'n verdere inisiatief in hierdie kategorie, nl. die Vereniging vir Afgetrede Onderwysers. Die aandag van skole word ook hierop gevestig. Dit het ook 'n plek op die WKOD se webtuiste in die alfabetiese lys en is 'n totaal onafhanklike eenheid wat die breë ondersteuning van die WKOD geniet.

Dit bestaan tans uit ongeveer 100 afgetrede onderwysers oor die provinsie heen en berei tans voor vir sy stigtings- algemene vergadering, waartydens op 'n grondwet besluit sal word asook die interim gidskomitee die verkose ligaam sal oorhandiog. Opsies via sodanige groepering is baie. Hulle kan bv. sosiaal bymekaarkom of voordele vir lede beding; hulle mag skole help wat daarom vra, bv. as mentors van beginneronderwysers met roosterprobleme; hulle sou ondersteuningsleesprogramme as vrywilligers kon ondersteun, biblioteekdiens doen of selfs tuinmaak. Wanneer hulle dan aan die gang is, kan hulle ook 'n databasis van afgetrede onderwysers saamstel wat vakatures by u skole sou kon vul deur die normale formele roetes te gebruik. Vir meer besonderhede, skakel asseblief met Nazeema Omar by 082 562 9784.