1. ISiqendu 16A. (1) (c) (iv) soMthetho oFakelo iziLungiso kwiMithetho yeMfundo (Education Laws Amendment Act), 2007) (uMthetho 31 ka-2007) sifuna ukuba inqununu yesikolo esiqatshelwe njengesingasebenzi kakuhle (underperforming) ngokweSiqendu 58B (o.k.t. isikolo se-NSLA) inike ingxelo kwiNtloko yeSebe leMfundo nakwibhunga lolawulo ngenkqubela eyenziweyo ekuphumezeni isiCwangciso sokuPhucula iNkqubo yokuFunda (Academic Performance Improvement Plan) (APIP) ungadlulanga owama-30 Juni rhoqo ngonyaka.
2. ISiqendu 16A. (1) (c) (v) sinika iNtloko yeSebe leMfundo igunya lokuhlehlisa lo mhla ubekiweyo ukuba kukho isizathu esivakalayo. Ukwenzela ukuba le ngxelo yenkqubela idibanise nocazululo lweziphumo zoviwo lukaJuni, iNtloko yeSebe leMfundo iwuhlehlisile lomhla obekiweyo waba ngowama-31 Julayi 2009.
3. Zinqununu zezikolo ze-NSLA kuphela ekufuneka zingenise ingxelo ye-APIP ngenkqubela yesiqingatha sonyaka.
4. Ithempleyithi yale ngxelo ngenkqubela nemiyalelo ngokuzaliswa kwayo zifakiwe kule Ngcaciso iMfutshane. Kucelwa niqaphele ukuba kufuneka iinqununu zinike ingxelo ngamaBakala 8 - 12.
5. Iinqununu mazingenise ingxelo ngenkqubela kumququzeleli we-IQMS wesithili semfundo ungadlulanga owama-31 Julayi 2009.
6. Makuqatshelwe kwakhona ukuba iSiqendu 16A. (1) (b) salo mthetho sifuna ukuba inqununu yesikolo sikarhulumente ngasinye singenise iNgxelo yoNyaka ngenkqubo yokufunda nokusetyenziswa ngempumelelo kwezibonelelo ezikhoyo. Kuya kufuneka le ngxelo yonyaka ingeniswe yinqununu yesikolo ngasinye phambi kokuphela kukaJanuwari 2010.
7. Kwakulo nyaka, iinqununu ziya kunikwa ithempleyithi yeNgxelo yoNyaka. Ayizi kwahluka kakhulu kwisampula eyayiboniswe kwiiseshoni zengcaciso ezaziqhubeke kwizithili zemfundo.


ISAYINWE: NGU-LJ ROSE
INTLOKO: YESEBE LEMFUNDO
UMHLA: 2009:06:23


The following is an MS Word document relates to this minute/circular. To view/save the document, click on the name below.

Template for progress report  (".doc" version - ubukhulu: 107 KB)

The following is an Acrobat (pdf) document. Adobe Acrobat Reader® is required to view / print this document.

MIYALELO ENGOKUZALISWA KWENGXELO NGENKQUBELA EYENZIWEYO YE-APIP  (ubukhulu: 14 KB)