| 1. |
ISebe leMfundo likazwelonke (DoE) lithumele iikopi zamaXwebhu asisiKhokelo kaZwelonke (National Guidelines) oNyulo lwamaBhunga oLawulo eZikolo kuwo onke amaphondo. Injongo yesikhokelo sikazwelonke kukunika umgaqo-sikhokelo kazwelonke (national framework) ekutolikweni koMthetho weZikolo waseMzantsi Afrika (South African Schools' Act (SASA) nokubonisa inkqubo elungileyo yokukhokela ezonyulo kumaphondo. |
| 2. |
UMphathiswa wephondo (Member of the Executive Council) (MEC) wemfundo nguye othatha izigqibo ngemigqaliselo yonyulo kwiphondo ngalinye. ENtshona Koloni, iSaziso 6519 sePhondo (Provincial Notice 6519), yomhla wangoLwesibini wowe-20 Meyi 2008, ichaza imigqaliselo yonyulo lwe-SGB kwizikolo zikarhulumente (zingafakwanga izikolo zikarhulumente zabafundi abaneemfuno zemfundo ezizodwa). Le mimiselo yephondo isekelwe kwisikhokelo sikazwelonke, kodwa ilungelelaniselwe iimeko zethu zangaphakathi. |
| 3. |
Isikhokelo sikazwelonke simele ukubonwa njengoxwebhu olunguvimba ukuxhasa ukonyulwa kwee-SGB ezisemthethweni nezimiselwe ngokusesikweni kusetyenziswa inkqubo ekuthabatha inxaxheba wonke umntu kuyo nengakhethi cala, kunoba sisetyenziswe njengommiselo. |
| 4. |
Isikolo ngasinye simele ukunikwa iikopi ezine zamaxwebhu asisikhokelo kazwelonke ligosa lesekethe (ngamagosa esekethe). I-SGB kufuneka inikwe iikopi ezimbini zize ezinye ezimbini zinikwe ootitshala besikolo eso. |
| 5. |
Ngumgaqo-nkqubo we-DoE ukukhupha amaxwebhu ngesiNgesi kuphela. |
ISAYINWE: NGU-B VOLSCHENK
INTLOKO: YESEBE LEMFUNDO
UMHLA: 2009:05:05
|