1. |
I-Allan Gray Orbis Foundation ineqela eliqingqiweyo leemali zenkxaso (scholarships) kubafundi abenza iBakala 6 njengangoku zokuba bafunde kwizikolo zikarhulumente nezikolo eziziisekondari ezizimeleyo ezithile ezitshatsheleyo ukususela ngo-2011 ukubheka phambili. Le nkxaso-mali ihlawulela iindleko ezipheleleyo zokufunda neefizi zasehostele. Ukongeza apho, ikwabandakanya nenkxaso esisibonelelo seehambo, (travel allowance), izinto zokubhala, iincwadi, izinto zokuhlamba (toiletries), iyunifom yesikolo neempahla zokunxiba kwakunye nezinye izibonelelo. |
2. |
I-Allan Gray Orbis Foundation ibakhetha abafundi ngokususela kwinkqubo yabo ezifundweni nasekuthatheni inxaxheba kwabo kwimisebenzi eyenziwa emva kweyokufunda, igxininise ngokukodwa kwimfuno yezemali njengekhrayitheriya. Abenzi-sicelo kuya kufuneka bangenele inkqubo yokhetho engqongqo, ebandakanya, phakathi kwezinye izinto, iimvavanyo nodliwano-ndlebe lokuqinisekisa umgangatho nabaviwa kunye nomnye umzali/umgcini womfundi (guardian). |
3. |
Ukuze bafanele ukwenza isicelo, abafundi mabazalisekise ezi khrayitheriya zilandelayo:
- Umfundi weBakala 6 waseMzantsi Afrika obonisa isakhono esiqaqambileyo kwiMathematika nesiNgesi; yaye;
- Onokubonisa ngokucacileyo ukuba ufuna uncedo lwemali.
|
4. |
Inkqubo yokwenza isicelo enamanyathelo amane ibandakanya oku kulandelayo:
Inyathelo 1: Ukungenisa isicelo
Inyathelo 2: Ukubhala uvavanyo
- Abenzi-sicelo abafakwe kuluhlu olufutshane baya kucelwa ukuba babhale iimvavanyo zolwazi lokubala, nolwazi lokufunda nokubhala kumaziko ngamaziko ovavanyo akulo lonke eli lizwe;
Inyathelo 3: Udliwano-ndlebe lobuso ngobuso
- Kuphela ngabenzi-sicelo abakuluhlu olufutshane abaya kucelwa ukuba beze kudliwano-ndlebe lobuso ngobuso. Ngethuba lalo mjikelo, umenzi-sicelo ngamnye makakhatshwe ngumzali omnye/ngumgcini womfundi omnye;
Inyathelo 4: Ikhempu yokhetho
- Kuphela ngabenzi-sicelo abakuluhlu olufutshane abaya kucelwa ukuba beze kwiKhempu yoKhetho (Selection Camp) yosuku olunehafu eNtshona Koloni okanye eGauteng.
|
5. |
Kuphela ngabenzi-sicelo abanala maxwebhu anika ubungqina alandelayo kwizicelo zabo abaya kufaneleka ukukhethwa:
- Ikopi engqiniweyo yesatifikethi sokuzalwa, yesazisi okanye ipasipoti yomfundi;
- Ikopi engqiniweyo yesazisi somzali/somgcini womfundi (sabazali/sabagcini bomfundi);
- Ikopi engqiniweyo yeS(Z)atifikethi s(z)okuSweleka kwabazali, ukuba kuyasebenza oko;
- Ikopi engqiniweyo yeripoti yeBakala 5;
- Ikopi engqiniweyo yeripoti yeBakala 6;
- Ikopi engqiniweyo ye(e)peyisiliphu yabzali, ukuba kuyasebenza oko;
- Ingxelo (iingxelo) efungelweyo (affidavit) ukuba umzali akaqeshwanga/uhleli ekhaya, anike izizathu zokungaqeshwa;
- Incwadi ebhaliweyo enesitampu esayiniweyo engqina ngaye evela kutitshala;
- Incwadi ebhaliweyo enesitampu esayiniweyo engqina ngaye evela kwinkokeli yasekuhlaleni.
Isaziso esibalulekileyo
Izicelo eziyintsusa, ezizaliswe ngokupheleleyo, kunye NAWO ONKE amaxwebhu axhasayo, mazifike kwii-ofisi zakwa-Allan Gray Orbis Foundation engadlulanga uLwesihlanu we-18 Septemba 2009. Ifom zezicelo ezingazaliswanga ngokupheleleyo, ezifike emva kwexesha, nezithunyelwe ngefeksi kunye/okanye nge-imeyili, aziyi kuthathelwa ngqalelo.
|
6. |
Iifom zokwenza isicelo zingafumaneka ngolu hlobo: ngokuyikopa ngekhompyutha kweli ziko lewebhu. I-URL yile www.allangrayorbis.org okanye ngokuthumela i-sms ethi "SCHOLARSHIP Fax" okanye "SCHOLARSHIP Email" ku-33981 [kuya kubizwa iintlawulo eziqhelekileyo ze-sms] yaye ifom yokwenza isicelo iya kuthunyelwa kuwe nge-imeyili okanye ngefeksi, ngokwalo ndlela uyikhethileyo: Umhla wokuvala kwifom zokwenza isicelo nguLwesihlanu we-4 Septemba 2009 ngo-17h00. |
7. |
Iifom ezizaliswe ngokupheleleyo nawo onke amaxwebhu axhasayo kufuneka zithunyelwe kule dilesi ilandelayo: |
7.1 |
Ngesandla The Allan Gray Scholars Programme Manager Allan Gray Orbis Foundation Block B, Granger Bay Court Beach Road, V&A Waterfront Cape Town 8001; |
7.2 |
Ngeposi (asiyomfuneko istampu sokuposa) The Allan Gray Scholars Programme Manager Freepost Licence No.: -CB11349 Waterfront 8002. |
ISAYINWE: NGU-LJ ROSE
INTLOKO: YESEBE LEMFUNDO
UMHLA: 2009:08:24
|