1. |
KwisiHlomelo A, somhlathi 3.5.2, seSetyhula yemiMiselo neMigangatho yoLwabiwo-mali 0034/2008 (Norms and Standards Circular 0034/2008) kaSeptemba 2008, izikolo ezingekho phantsi kweSiqendu 21 zayalelwa ukuba zingenise, engadlulanga uLwesithathi we-30 Septemba 2009, ii-odolo zazo ezongezelelweyo zeencwadi nezinto zokuncedisa ukufunda nokufundisa (LTSM) ngale fom WCED 034, kwakunye nee-odolo zazo zezinto ezithengwa kuloo ndawo inesikolo (local purchases) ngale fom WCED 026. Oku kwenzelwa ukuqinisekisa ukuba iimpahla ezithengiweyo zibe nokusiwa ngaphambi kokuqala konyaka wesikolo ka-2010.
|
2. |
Ngokweerekhodi zethu, izikolo ezininzi ziseneemali ezisaleleyo ezingekazisebenzisi (unspent balances). Ngako oko ke izikolo zandiselwe ithuba lokungenisa iirikhwizishini zazo ze-LTSM nezezinto ezithengwa kuloo ndawo inesikolo de kube nguLwesihlanu we-27 Novemba 2009. Kusebenza apha umgaqo weSebe iWCED wokuqinisekisa ukuba ngamnye umfundi unencwadi yesifundo (textbook) kwinkalo yesifundo (learning area) nganye okanye kwisifundo ngasinye.
|
3. |
Isikolo ngasinye masiqinisekise ukuba umthengisi-zincwadi waso okhethiweyo (its chosen supplier) unayo iLTSM efunekayo kwistokhwe sakhe ukwenzela ukuba zibe nokuhanjiswa izinto ezithengiweyo ngoMvulo we- 11 Januwari 2010 xa zivula izikolo. Ukuba umthengisi-zincwadi akanako ukunika ingqinisekiso yoku, makukhethwe omnye umthengisi-zincwadi.
|
4. |
Ukongeza kwiincwadi zezifundo, kungaphinde kufunwe ezi zinto ze-LTSM zilandelayo ngale fom WCED 034: iincwadi zaselayibrari, iiphowusta, iimephu neetshati zodonga (wall charts), iincwadi zokufunda eklasini (class readers), iincwadi ezinika ulwazi ngezinto yinto (reference books), iincwadi ezimiselwe ukufundwa (prescribed works), izichazi-magama (dictionaries), izibonelelo zaselayibrari, iikhasethi ezimanyelwayo esele zirekodwe izinto nezevidiyo (pre-recorded audio and video cassettes), iiCDS ne-software yezemfundo (educational software).
|
5. |
Isicelo sokuba kuthunyelwe imali (request for the transfer of funds) siya kuqwalaselwa kuphela ukuba sihamba kunye nala xwebhu alandelayo:
|
5.1 |
Ileta ebhalwe kwiphepha elineletahedi yesikolo (school's letterhead), esayinwe yinqununu nangusihlalo webhunga lolawulo lesikolo (SGB), enika izizathu ezithethelela ukuba kuthunyelwe imali (justifying the transfer) necacisa gca loo mali kufuneka ithunyelwe;
|
5.2 |
Ileta evela kumphathi weze-IMG, engqina ukuba umfundi ngamnye kweso sikolo unencwadi yesifundo (textbook) kwisifundo ngasinye okanye kwinkalo yesifundo nganye ngo-2010;
|
5.3 |
Ikopi ehlaziyiweyo nezaliswe zonke iinkcukacha yefom WCED 032, esayinwe yinqununu, ngusihlalo we-SGB nangumphathi weze-IMG nengqinwa sisitampu sesikolo.
|
6. |
Izicelo zokuba kuthunyelwe imali maziziswe ngesandla, ungadlulanga uLwesithathu we-11 Novemba 2009, kuNks Lucia Bredenkamp okule dilesi ilandelayo:
Room 3018, 3rd Floor
Atterbury House
Corner of Riebeeck and Lower Burg Street
Cape Town
8001
Kungenjalo, zingathunyelwa ngefeksi apha 021 467 2565. |
|
7. |
ISebe iWCED libulela iinqununu namabhunga olawulo ezikolo ngokungenisa kwazo ngokukhawuleza nangexesha ezi fom WCED 034 nale WCED 026 kunye nangendlela ekwabiwa ngayo ngokuchanekileyo kwesabelo-mali semiMiselo neMigangatho.
|
ISAYINWE: NGU-HA LEWIS
INTLOKO: YESEBE LEMFUNDO
UMHLA: 2009:11:05
|