1. |
ISetyhula 0034/2008 ye-30 Septemba 2008 yazisa izikolo zikarhulumente eziqhelekileyo ngesabelo-mali sazo esikhutshwa ngokwemiMiselo neMigangatho sonyaka-mali ka-2009/10.
|
2. |
Eyona njongo iphambili yesabelo-mali ngokwe-N&S yeyokuba kuthengwe i-LTSM, izinto ezithengwa kuloo ndawo inesikolo, iinkonzo zikamasipala, izinto ezisetyenziswa imihla ngemihla ekulondolozeni izakhiwo zesikolo, amabala nezixhobo zokusebenza (ulondolozo olungangxamisekanga), sisetyenziswe nakwenye inkcitho yemihla ngemihla.
Kucetyiswa ukuba izikolo zisahlule isabelo-mali sazo ezisifumanayo ngolu hlobo lulandelayo ngokwamahlelo enkcitho ahluka-hlukeneyo:
- I-50% isetyenziselwe ii-odolo zika-2010 zeencwadi nezinto zokuncedisa ukufunda nokufundisa (learning and teaching support material) (LTSM). Umfundi ngamnye makabe nencwadi yezifundo (textbook) kwinkalo yesifundo/kwisifundo ngasinye.
- I-24% isetyenziselwe iinkonzo zikamasipala. Izikolo zingabhajethela ipesenteji engaphezu koku ukuba iimeko zenkcitho zinyanzelisa oku.
- I-6% ibe yeyolondolozo
- I-20 ibe yeyezinto ezithengwa kuloo ndawo inesikolo
|
3. |
Le ngcaciso imfutshane isebenza njengesikhumbuzo sokuba ifom u-WCED 032 ezaliswe zonke iinkcukacha, iyeyentsusa (original) yaza yasayinwa, mayingeniswe kwiNtloko yeSebe leMfundo kule dilesi ilandelayo engadlulanga uLwesihlanu, we-27 Februwari 2009:
Head: Education
For attention: Ms M Ntlabati
Directorate: Operational Support Unit
Western Cape Education Department
Private Bag X9114
CAPE TOWN
8000
OKANYE iziswe ngesandla kule dilesi ilandelayo:
Room 3018 3rd Floor
9 Atterbury House
Corner of Lower Burg and Riebeeck Streets
CAPE TOWN
|
4. |
Ukuba kuye kwakho ukutenxa kwindlela esisetyenziswe ngayo isabelo-mali ngokwemiMiselo neMigangatho, kucelwa ukuba ubhale unike izizathu ezixhasayo zokuba ungayisebenzisi ipesenteji ephawulelwe i-LTSM (50%) yaye ezo zizathu kufuneka zingqinwe nguMcebisi weze-IMG noSihlalo weBhunga loLawulo. Akuyi kuvunyelwa ukutshintshaniswa kwemali eyabelwe imisebenzi ethile liCandelo le-Operational Support Unit.
|
5. |
Iya kuthakazelelwa intsebenziswano yakho malunga nalo noku.
|
ISAYINWE: NGU-HA LEWIS
INTLOKO: YESEBE LEMFUNDO
UMHLA: 2009:01:30
|