1. Uqeqesho nophuhliso lwamalungu ebhunga elimele abafundi [RCL] nokunikwa kwawo inkxaso-mali ngumsebenzi odluliselwe kwii-ofisi zezithili zemfundo. ICandelwana eliJongene neZikolo eliphantsi kweCandelo loCwangciso loLawulo nokuPhathwa kwamaZiko [IMGP] liqulunqe ifayili enamaxwebhu engcaciso ukunceda izikolo nootitshala abangamagosa oqhagamshelwano (iiTLOs) malunga nophuhliso noqeqesho lweeRCL.
2. Eli Candelwana liJongene neZikolo neliphantsi kweCandelo le-IMGP, limema zonke iiTLOs ukuba zize kumasifundisane ongoqeqesho nophuhliso lweeRCL. Lo masifundisane uya kubanjelwa kwindawo nganye kwezi zilandelayo:
KwiZithili zeMfundo iCape Winelands neWest Coast: 
Nge-20 Februwari 2009, ukususela ngo-14h30 ukuya ku-16h00 
eCape Winelands District Office
Durban Road, Worcester
Ifoni: 023 348 4600

KwiZithili zeMfundo iMetro South neMetro Central: Nge-27 Februwari 2009, ukususela ngo-14h30 ukuya ku-16h00 eSpine Road High School, kwikona ye-Spine & Merrydale Roads, Mitchells Plain Ifoni: 021 392 9463
KwiZithili zeMfundo i-Eden & Central Karoo ne-Overberg: Nge-13 Matshi 2009, ukususela ngo-14h30 ukuya ku-16h00 eYork High School, kwikona yeMeade & Palgrave Streets, George Ifoni: 044 874 2333.
KwiZithili zeMfundo iMetro North neMetro East: Nge-20 Matshi 2009, ukususela ngo-14h30 ukuya ku-16h00 eParow High School, Toner Street, Parow-East Ifoni: 021 939 4145
3. Kumasifundisane, iTLO nganye iya kufumana ifayili enamaxwebhu engcaciso engoqeqesho (reference file containing training material) ukulungiselela uphuhliso lweeRCL ezikolweni. Ukuze iTLO ifumane ifayili yesibini kulwimi lwayo elukhethayo, nganye iTLO mayizalise le Fom yoKucela iFayili (File Request Form) ize iyidlulisele kwigosa leze-IMG elifanelekileyo elikumasifundisane. IiTLOs ezingayingenisanga le fom izaliswe ngokupheleleyo, aziyi kuyifumana ifayili yesibini ebhalwe ngolwimi ezilukhethayo. Zakuba ziprintiwe iifayili zesibini ziya kusiwa kwi-ofisi yesithili semfundo ukuze zisiwe ezikolweni ezichaphazelekayo.
4. Ukuba iTLO ayinako ukuya kumasifundisane, isikolo masincede sithumele ummeli oya kwamkela ifayili enamaxwebhu. Iifayili aziyi kuthunyelwa ngeposi okanye ngekhuriya.
5. Kucelwa niqaphele ukuba ezi fayili zinamaxwebhu engcaciso mazigcinwe esikolweni kwaye mazisoloko zifumaneka ngalo lonke ixesha kwiTLO namalungu eRCL.
6. IiTLO ezihamba umgama ongaphezu kwe-50 km uhambo lokuya kumasifundisane kuphela o.k.t. umgama ongaphezu kwe-100 km ukuya nokubuya kumasifundisane, ziya kubuyiselwa ngeendleko zazo zohambo. Ifom yebango iya kwenziwa ifumaneke apho kumasifundisane. Ukuba iiTLOs zikhwelisene esithuthini, ngumnini-sithuthi kuphela oya kubuyiselwa ngeendleko zakhe.


ISAYINWE: NGU-HA LEWIS
INTLOKO: YESEBE LEMFUNDO
UMHLA: 2009:02:06