| 1. |
IForam yeeNqununu yePhondo (Provincial Principals' Forum (PPF)) yaphehlelelwa nge-6 Februwari 2009. Kubanjwe iintlanganiso zantlanu zephondo ngo-2009 apho kuye kwaxoxwa ngeengongoma ezahlukeneyo. Kuya kwenziwa iziphakamiso zeenguqu ezithile kuxwebhu olungumgaqo-sikhokelo (framework document) ukuze luvunywe ngaBaphathi aBaphezulu (Top Management) ukwenzela ukuba umsebenzi we-PPF ube yimpumelelo nangakumbi. Izikolo ziya kwaziswa xa iinguqu sezivunyiwe. |
| 2. |
Kuqhotyoshelwe apha kolu xwebhu imizuzu yeentlanganiso ze-PPF. ICandelo loCwangciso loLawulo nokuPhathwa kwaMaziko (Directorate: Institutional Management & Governance Planning) (IMGP) licela uxolo ngokuyikhupha kade kangaka le mizuzu yaye lizimisele ekuqinisekiseni ukuba ukukhutshwa kwemizuzu akulibaziseki kwixesha elizayo. |
| 3. |
Kwintlanganiso ye-PPF edlulileyo, kwagqitywa ekubeni kubanjwe unyulo lweenqununu ngokukhawuleza kwakule kota ukulungiselela unyaka ozayo. Ziyacelwa iinqununu ukuba ziqinisekise ukuba inkqubo yonyulo ilandela inkqubo yedemokhrasi. Bayacelwa abalawuli bee-ofisi zezithili zemfundo namagosa ukuba banike inkxaso kwiinqununu nakoosihlalo beeforam ukuqinisekisa ukuba unyulo luhamba kakuhle. |
| 4. |
Ngako oko ke ziyacelwa iiforam zeesekethe, ezisebenza phantsi kweliso likasihlalo okhoyo ngoku weforam yesekethe, ukuba zinyule iinqununu zibe-2 ukumela isekethe nganye kwiforam yesithili. Kukwafuneka kunyulwe usihlalo omtsha kwiforam yesekethe yaye makazise i-ofisi yesithili semfundo ngamagama eenqununu ezinyulelwe kule foram yesekethe. |
| 5. |
Usihlalo weforam yesithili ekhoyo ngoku makaqinisekise ukuba iinqununu ezinyuliweyo zibamba intlanganiso yokunyula usihlalo omtsha nokunyula iinqununu ezi-2 eziza kuba kwi-PPF ngo-2010. Usihlalo omtsha makazise umlawuli we-ofisi yesithili neCandelo leze-IMGP, apha NDomsali@pgwc.gov.za okanye Elouw@pgwc.gov.za, ngamagama neenkcukacha zoqhagamshelwano zeenqununu ezinyulelwe kwi-PPF. |
| 6. |
Kwimeko apho iinqununu zezikolo zemfundo eneemfuno ezizodwa (special schools) zingamelwanga khona ngokwenkqubo yedemokhrasi kwiforam yesithili, usihlalo weforam yesithili makadibane neenqununu zezikolo zemfundo eneemfuno ezizodwa kweso sithili ukwenzela ukunyula iinqununu ezi-2 zezikolo zemfundo eneemfuno ezizodwa eziza kuba kwiforam yesithili. |
| 7. |
Kwintlanganiso ye-PPF kugqitywe ekubeni intlanganiso mayikujikelezise ukumelwa kweenqununu zezikolo zemfundo eneemfuno ezizodwa kwi-PPF, abe mnye omele izithili zasemaphandleni aze abe mnye omele izithili zasezidolophini, ngenxa yobunzima ekunyuleni ezi nqununu kwizithili ezi-4. Ukujikeleziswa kwezithili kuya kuhamba ngolandelelwano lwe-alfabhethi, ukuqala ngo-2010 kube yi-Ofisi yeSithili seMfundo iMetro Central Education District ukumela izithili zasedolophini ne-Eden & Central Karoo Education District ukumela izithili zasemaphandleni. Ngako oko ke, kwimeko apho iinqununu zezikolo zemfundo eneemfuno ezizodwa zinganyulwanga ngokwenkqubo yedemokhrasi ukuba zibe kwi-PPF, iforam echaphazelekayo yesithili kufuneka kwakhona inyule inqununu ibe-1 yesikolo semfundo eneemfuno ezizodwa kwi-PPF ngethuba lokunyulwa kwamalungu e-PPF. |
| 8. |
Intlanganiso yokuqala ye-PPF eza kunyulwa mvanje iya kubanjwa ekuqaleni bukaFebruwari 2010. Zonke iinkqubo zonyulo maziqukunjelwe ekupheleni kukaJanuwari 2010. |
| 9. |
Ukufumana ingcaciso engaphezulu, ungaqhagamshelana nomphathi weze-IMG okanye nomphathi wekomiti yesekethe wakho (your IMG manager or circuit team manager). |
ISAYINWE: NGU-HA LEWIS
INTLOKO EBAMBELEYO: YESEBE LEMFUNDO
UMHLA: 2009:11:19
|