1. Die Departement van Onderwys het hom verbind tot die viering van historiese gebeurtenisse. Die doel van hierdie funksies is nie net om die verlede in herinnering te roep nie, maar om ook meer te leer van die mense en gebeurtenisse wat die Suid-Afrikaanse geskiedenis gevorm het en wat uitgeloop het op die geboorte van 'n demokratiese, nie-rassige en nie-seksistiese Suid-Afrika.
2. Oudpresident Nelson Mandela is een van die mense wat Suid-Afrikaanse geskiedenis gevorm het en sy bydrae tot vrede en medemenslikheid word deur die wêreld heen erken.
3. Mandeladag het ontstaan as 'n voorstel na aanleiding van die 46664-konsert en die Nelson Mandela Stigting. Die twee organisasies is betrokke by die bevordering van die erflating van die vorige president en ikoon van vrede en demokrasie in die wêreld. Die erfenis van oudpresident Mandela is vervat in die waardes van die Grondwet. Sy waardes sluit in menswaardigheid, demokrasie, sosiale geregtigheid, gelykwaardigheid, 'n oop gemeenskap, nasiebou en nasionale rekonsiliasie. Mnr Mandela is 'n skitterende voorbeeld van persoonlike opoffering en lewenslange toewyding aan die verbetering van die lewens van alle mense en is die lewende beliggaming van ubuntu.
4. Elke jaar op 18 Julie, Mandeladag, sal mense oor die wêreld heen versoek word om vir 67 minute positief by te dra tot medemenslikheid. Die President van die Republiek, mnr J Zuma, het Suid-Afrikaners aangemoedig om hulle respek vir die voormalige president te toon deur in aktiwiteite betrokke te raak wat 'n positiewe verskil aan die lewens van andere sal maak.
5. Aangesien Mandeladag in die skoolvakansie val, versoek die Departement van Onderwys skole om hulleself te verbind tot deelname aan die viering van die lewe van mnr Mandela deur aktiwiteite te organiseer wat 'n gees van waardes-in-aksie demonstreer en 'n persoonlike verbintenis om andere te help. Leerders en opvoeders moet aangemoedig word (spesifiek vir Mandeladag) om 67 minute van die dag daaraan te wy om andere te help op watter wyse hulle ookal kan. Leerders en opvoeders kon, byvoorbeeld, deelneem aan aktiwiteite soos die skoonmaak van skoolterreine, hulp aan bejaardes of swakkes, of die begin van leesgroepe in die gemeenskap.
6. Die skool kan 'n spesiale byeenkoms reël of tyd in die klas eenkant sit vir leerders om verslag te doen aan die skool na die vakansie oor wat hulle op Mandeladag gedoen het.
7. Skole kan ook aktiwiteite verwelkom oor 'n jaar of maand wat die waardes beliggaam waarvoor mnr Mandela staan. Sulke aktiwiteite kan die volgende insluit:

i.Gesonde gemeenskapsaktiwiteite soos boomplantings en skoonmaak van skoolterreine en omgewings
ii.Debatte oor Konstitusionele waardes en die Lys van Verantwoordelikhede vir die jeug van Suid-Afrika
iii.Aktiwiteite wat verband hou met skoolgeslagsprogramme soos die disseminasie en mediëring van riglyne oor seksuele teistering en die stigting van GEM/BEM-klubs
iv.Die aanlê van tuine vir voedselverbouing by skole
v.Aktiwiteite wat fokus op dwelmmisbruik, skoolveiligheidbewustheid en MIV/VIGS
vi.Aktiwiteite aangaande kinderregte
8. Skole moet kostebesparende, kreatiewe metodes aanwend - en nie ekstra uitgawes in die viering van Mandeladag, óf op die dag self óf deur die jaar, aangaan nie.
9. Skole word aangemoedig om hulle terugvoer aan die nasionale Departement van Onderwys te stuur, aangesien hulle aktiwiteite gedokumenteer sal word.
10. Die kontakpersoon by die nasionale Departement van Onderwys is die Sekretaris, Direktoraat: Ras en Waardes, Privaatsak X 895, Pretoria 0001. Tel: 012 312 5080 Faks: 012 326 1909 E-pos: zondo.j@doe.gov.za


GETEKEN: TS LINGELA
HOOF: ONDERWYS
DATUM: 2009:07:07