1. Die Departement van Onderwys (DvO) het eksemplare van die National Guidelines for School Governing Body Elections (Nasionale Riglyne vir Skoolbeheerliggaamverkiesings) aan alle provinsies gestuur. Die doel van die nasionale riglyne is om 'n nasionale raamwerk te voorsien vir die interpretasie van die Suid-Afrikaanse Skolewet (SASW) en om goeie praktyk aan te dui vir die bestuur van die verkiesngs in die provinsies.
2. Die provinsiale Lid van die Uitvoerende Raad (LUR) vir onderwys bepaal die verkiesingsprosedures vir elke provinsie. In die Wes-Kaap gee Provinsiale Kennisgewing 6519 van Dinsdag 20 Mei 2008 'n uiteensetting van die SBL-verkiesingsprosedures vir openbare skole (met uitsondering van openbare skole vir leerders met spesiale onderwysbehoeftes). Hierdie provinsiale maatreëls is gebaseer op die nasionale riglyne, maar is aangepas vir ons plaaslike omstandighede.
3. Die nasionale riglyne moet dus nie as 'n voorskrif gesien word nie, maar as 'n brondokument ter ondersteuning van die verkiesing van wettige en behoorlik gekonstitueerde SBL'e deur 'n demokratiese en regverdige proses.
4. Elke skool moet deur die kringbeampte(s) voorsien word van vier eksemplare van die nasionale riglyne. Twee eksemplare moet voorsien word aan die SBL en die ander twee aan die personeel van die skool.
5. Dit is DvO-beleid om dokumente slegs in Engels te voorsien.


GETEKEN: B VOLSCHENK
HOOF: ONDERWYS
DATUM: 2009:05:05