| 1. |
Om te verseker dat leerders konstruktief besig bly, is dit die verantwoordelikheid van elke skool om sy skoolprogram te beplan vir die eindeksamentydperk, sowel as vir die tydperk daarna wat vir leerders eindig op 11 Desember 2009. Dit is dus belangrik dat alle skole by die volgende hou: |
| 1.1 |
Skole moet elkeen van hulle interne eksamens so beplan dat die betrokke leerders teen 13:00 op die vroegste klaarmaak. Die skooldag moet tydens die eindeksamen nie voor 13:00 vir leerders eindig nie. |
| 1.2 |
Graad 9-leerders wat betrokke is by die skryf van die nasionale GTA's, moet betrokke wees by deurlopende onderrigondersteuning, hersiening en besinning na die laaste nasionale assesseringstake afgehandel is op 30 November 2009. Dit word ook van graad 9-leerders verwag om by die skool te wees tot 13:00 op die dae waarop die afneem van GTA's om 11:00 eindig. |
| 1.3 |
Skole moet seker maak dat alle leerders die skool bywoon op al hierdie dae, selfs al is hulle nie betrokke by die eksamen of GTA's nie. |
| 2. |
Skole wat graad 10 en 11 aanbied, moet hulle eksamenroosters so reël dat hulle eksamens nie voor Donderdag, 12 November 2009 begin nie. Skole wat vakke aanbied met praktiese komponente mag met hulle praktiese eksamens op Maandag, 9 November begin. |
| 3. |
Daar word van onderwysers verwag om vir die volle dag tydens hierdie tydperk by die skool te wees, ongeag of hulle toesigdiens doen of nie. Onderwysers wat betrokke is by die nasien van die Nasionale Senior Sertifikaat- (NSS-) eksamen mag nie vir nasien aanmeld voor hulle eindeksamen se interne nasienwerk en administratiewe pligte by die skool afgehandel is nie. Die WKOD se Direktoraat: Eksamenadministrasie sal prinsipale spoedig inlig aangaande die aanvangsdatums vir die NSS-nasienwerk. Let op dat nie alle NSS-nasienwerk op dieselfde tyd begin nie. Die nasien van vraestelle wat deur baie kandidate geskryf word, begin vroeër as die nasien van ander vraestelle. |
| 4. |
Leerderprofiele en portefeuljes moet vir moderering en vordering beskikbaar wees op die datums soos bepaal deur die distrikte. |
| 5. |
Alle skole word versoek om hulle eksamenroosters by hulle kringspanbestuurders in te lewer teen 7 November 2009. |
| 6. |
Indien alle skole hulle leerders teen 13:00 laat gaan, sal die leerdervervoerreëlings nie ontwrig word nie. |
GETEKEN: LJ ROSE
WND. HOOF: ONDERWYS
DATUM: 2009:10:16
|