1. Agtergrond

Ingevolge die bepalings van die Wysigingswet op Onderwyswette (Wet 50 van 2002), is dit die verantwoordelikheid van die prinsipaal om 'n jaarverslag oor die volgende voor te berei en aan die Departementshoof (DH) voor te lê:

  • Die akademiese prestasie van die skool in verhouding tot die minimum uitkomstes en standaarde wat deur die Minister bepaal is;
  • Die effektiewe gebruik van hulpbronne.

Hierdie jaarverslag moet by 'n vergadering van die skoolbeheerliggaam ter tafel gelê word en dan ingedien word by die DH, wat dit goedkeur of aan die skool terugstuur met aanbevelings, indien nodig.

Die wysiging van artikel 20 van die Suid-Afrikaanse Skolewet (SASW) (Wet 84 van 1996) verwag van die betrokke rolspelers die nakoming van enige aksies wat deur die DH geneem word om die onbevoegdheid van 'n prinsipaal of opvoeder om sy of haar plig effektief uit te voer, aan te spreek.

Toevoegings tot die SASW (artikel 58B en 58C) vereis ook van die DH om jaarliks onderpresterende skole te identifiseer en skriftelike kennisgewing aan sodanige skole te gee. Hierdie kennisgewing dien dus tot implementering van die vereistes van die SASW.

2. Onderprestasie deur skole
2.1 Na behoorlike oorweging van die jaarlikse graad 3- en/of graad 6- akademiese uitslae vir die tydperk 2006 tot 2008 het die DH kennis geneem dat sekere skole periodiek uitslae onder 50% behaal het. Sodanige skole word geag skole te wees wat onderpresteer het.
2.2 Die uitslae van primêre en gekombineerde skole wat nie uitslae bo 50% gedurende die tydperk 2006 tot 2008 behaal het nie, is gepos op SOBIS onder die opskrif Assessering - Skoolprestasie. Indien geen verslag van resultate vir u skool verskyn nie, beteken dit dat u skool uitslae bo 50% gedurende hierdie tydperk behaal het.
3. Wat u skool se Geletterdheid- en Gesyferdheidsuitslae betref, lees asseblief die betrokke brief op SOBIS.


GETEKEN: LJ ROSE
WND. HOOF: ONDERWYS
DATUM: 2009:10:09

Education Laws Amendment Act, 2002 (Act 50 of 2002)  (grootte: 779 KB)
South African Schools Act (SASA) (Act 84 of 1996)  (grootte: 86 KB)