| 1. |
Die Allan Gray Orbis Stigting bied 'n beperkte aantal studiebeurse aan vir leerders wat tans in graad 6 is om vanaf 2011 af by geselekteerde toonaangewende staatsskole en onafhanklike sekondêre skole te studeer. Die studiebeurs dek die volle koste van die onderrig- en koshuisgelde. Dit sluit verder ook in toelaes vir reis, skryfbehoeftes, boeke, toiletware, skooluniforms en burgerlike klere, sowel as ander toelaes. |
| 2. |
Die Allan Gray Orbis Stigting keur leerders op grond van hulle akademiese prestasie en betrokkenheid by buitemuurse aktiwiteite, met besondere klem op finansiële behoeftes as kriterium. Die aansoekers sal onderwerp word aan 'n streng keuringsproses wat onder andere insluit assesseringstoetse en kwalitatiewe onderhoude met kandidate en met een van hulle ouers/voogde.
|
| 3. |
Om vir die beurs in aanmerking te kom, moet die leerder aan die volgende kriteria voldoen:
- Suid-Afrikaanse graad 6-leerder wat uitsonderlike vermoë en potensiaal toon in Wiskunde en Engels, en
- duidelike bewys moet gelewer kan word van finansiële behoeftes.
|
| 4. |
Die vierstap-aansoekproses sluit die volgende in:
Stap 1: Lê aansoek voor
Stap 2: Skryf assesseringstoets
- Aansoekers op die kortlys sal uitgenooi word om gesyferdheids- en geletterdheids-assesseringstoetse te skryf by verskeie assesseringsentrums oor die land heen;
Stap 3: Onderhoud van aangesig tot aangesig
- Slegs aansoekers wat gekortlys is, sal genooi word na aangesig-tot-aangesig-onderhoude. In hierdie stadium word elke aansoeker deur een ouer/voog vergesel;
Stap 4: Keuringskamp
- Slegs aansoekers wat gekortlys is, sal genooi word om 'n een en 'n half-dag Keuringskamp in óf die Wes-Kaap óf Gauteng by te woon.
|
| 5. |
Slegs aansoekers wat die volgende ondersteunende dokumente by hulle aansoeke insluit, sal vir keuring kwalifiseer:
- Gewaarmerkte kopie van geboortesertifikaat, ID of paspoort van leerder;
- Gewaarmerkte kopie van ID van ouer(s)/voog(de);
- Gewaarmerkte kopie van Sterftesertifikaat/Sterftesertifikate van ouer(s), waar van toepassing;
- Gewaarmerkte kopie van graad 5-rapport;
- Gewaarmerkte kopie van graad 6-rapport;
- Gewaarmerkte kopie van betaalstrokie(s) van ouer(s) waar van toepassing;
- Oorspronklike beëdigde verklaring(s) van ouer(s) indien werkoos/huisvrou, met redes vir werkloosheid;
- Gestempelde en getekende verwysing van opvoeder;
- Gestempelde en getekende verwysing van 'n gemeenskapsleier.
Belangrike kennisgewing
Oorspronklike, voltooide aansoeke, saam met ALLE ondersteunende dokumente, moet die kantoor van die Allan Gray Orbis Stigting teen nie later nie as Vrydag 18 September 2009 bereik. Onvolledige, laat, faks- en/of e-posaansoeke sal nie oorweeg word nie.
|
| 6. |
Aansoekvorms kan verkry word deur
'n kopie van die webtuiste af te laai. Die URL is www.allangrayorbis.org.
alternatiewelik,
SMS "SCHOLARSHIP Faks" of "SCHOLARSHIP E-pos" na 33981 [standaard SMS-tariewe is van toepassing] en die aansoekvorm sal volgens u keuse per faks of e-pos aan u gestuur word.
Versoeke om aansoekvorms sluit op Vrydag 4 September 2009 om 17h00.
|
| 7. |
Voltooide aansoekvorms en al die ondersteunende dokumentasie moet na die volgende adres aangestuur word: |
| 7.1 |
Per hand: Die Allan Gray Studiebeursprogrambestuurder
Allan Gray Orbis Stigting
Block B, Granger Bay Court
Beach Road, V&A Waterfront
Kaapstad
8001; |
| 7.2 |
Per pos (geen posseël word benodig nie) Die Allan Gray Studiebeursprogrambestuurder
Vryposlisensie No.: -CB11349
Waterfront
8002. |
GETEKEN: LJ ROSE
HOOF: ONDERWYS
DATUM: 2009:08:24
|