| 1. |
Alhoewel geïsoleerde verslae van leerders op skool met meningitis aan die Wes-Kaap Onderwysdepartement (WKOD) gestuur is, is slegs een geval van meningitis in hierdie provinsie bevestig en skole word aangeraai om dit nie as 'n uitbreek te beskou nie. |
| 2. |
'n Uitbreek van masels is egter in Gauteng gerapporteer en die WKOD raai skole aan om die nodige voorsorgmaatreëls te tref ingeval die masels na die Wes-Kaap sou versprei. |
| 3. |
Om skole egter behoorlik voor te berei, is pamflette van die Departement van Gesondheid aangeheg vir u inligting. |
| 4. |
Indien 'n mediese praktisyn u skool sou kontak om 'n bevestigde geval van meningitis of masels wat een van u personeellede of leerders raak te rapporteer, moet die prinsipaal en beheerliggaam onmiddellik die betrokke onderwysdistrikskantoor in kennis stel van die bevestigde diagnose. |
| 5. |
Die distrikskantoor sal dan die Oordraagbaresiekte-eenheid van die Streeksgesondheidsdienste kontak. |
| 6. |
Die Gesondheidsdienstespan sal die risikovlak by die skool assesseer en monitor. Die risiko van infeksie sal as laag, medium of hoog geëvalueer word, afhangende van 'n verskeidenheid faktore wat deur die Gesondheidsdienstespan bepaal word. |
| 7. |
Indien die Gesondheidsdienstespan stappe aanbeveel om 'n verspreiding van infeksie te bekamp, moet prinsipale sodanige aanbevelings ernstig opneem en seker maak dat alle instruksies wat ontvang word, uitgevoer word. |
GETEKEN: MJ THERON
WND. HOOF: ONDERWYS
DATUM: 2009:09:07
|