1. Verwys asseblief na die Kurrikulum VOO-Minuut: DCF 0009/2009 van 6 April 2009 waarin u ingelig is dat " ...as gevolg van die laat voltooiing van die nuwe NKV-gerigte MIV/VIGS-LOOM en die daaropvolgende vertaling van hierdie materiaal in al die amptelike tale van die provinsie, sal die MIV/VIGS-LOOM laat by skole afgelewer word. Ons maak verskoning vir die ongerief. Aflewering aan skole sal na verwagting van Mei tot Julie 2009 geskied."
2. Ongelukkig word verdere vertragings in die aflewering van bogemelde materiaal aan skole verwag. Die presiese afleweringsdatums kan nog nie bepaal word nie, maar skole sal betyds ingelig word van wanneer die aflewering van die materiaal sal geskied.
3. Lewensoriënteringonderwysers wat deur hierdie vertragings geraak word, word versoek om hulle skedules dienooreenkomstig aan te pas.
4. Skole wat nog beskik oor voorraad van die vorige jaar word versoek om hulle oortollige materiaal te skenk aan skole wat 'n tekort ondervind. Tree asseblief in verbinding met die MIV/VIGS-koördineerder by u distrikskantoor as u hulp hiermee benodig.
5. Let asseblief daarop dat MIV/VIGS-LOOM addisionele materiaal is. Daar is geen koste vir skole daaraan verbonde nie. Onderwysers word aangemoedig om hierdie materiaal volgens hulle leerders se behoeftes aan te pas.
6. Prinsipale word versoek om die inhoud van hierdie minuut onder die aandag van Lewensoriënteringonderwysers en skool MIV/VIGS-koördineerders te bring.


GETEKEN: MJ THERON
HOOF: ONDERWYS
DATUM: 2009:08:26