1. Die Wes-Kaap Onderwysdepartement se MIV/VIGS-eenheid bring dit graag onder die aandag van alle werknemers, ouers en leerders dat September 2009 Nasionale Skool-VIGS-maand is.
2. Alle skoolbeheerliggame, onderwysers en leerders word weereens aangemoedig om gedurende die maand van September op MIV/VIGS te fokus. Ons wil hulle aanspoor om hulle entoesiasme en kreatiwiteit te gebruik om programme en geleenthede te ontwikkel wat sal uitloop op Wêreld VIGS-dag op 1 Desember 2009.
3. Skole en hulle vennote in die gemeenskap (ouers, gemeenskaps- en geloofgebaseerde organisasies en plaaslike regering) moet hulle dit ten doel stel om die volgende aspekte rakende MIV/VIGS aan te spreek:

  • Bewusmaking en aanspreek van mites en die voorsiening van akkurate inligting om te help om die verspreiding van VIGS te voorkom en die impak daarvan te versag
  • Skepping van 'n omgewing wat omgee vir diegene wat met die siekte besmet is en diegene wat daardeur geraak word
  • Aandag aan diskriminasie, dwelms, misdaad, tienerswangerskap, prostitusie en beledigende gedrag, wat die verspreiding van die virus in gemeenskappe aanhelp
  • Bevordering van positiewe en verantwoordelike gedrag en ontwikkeling van jong leiers vir die toekoms
  • Bespreking van kontroversiële kwessies soos kondoomgebruik, vrywillige berading en toetsing, en alternatiewe behandelings en medikasie
  • Bevordering van gesonde lewenstyle en herwinning van norme en waardes in die gemeenskap
  • Skepping van skole en gemeenskappe wat omgee vir diegene wat ly aan en geraak word deur MIV/VIGS
4. Skole kan hierdie doelwitte bereik deur kreatiewe programme vir leerders, ouers, onderwysers en skoolgemeenskappe te implementeer. Hierdie programme moet nie beperk word tot kurrikulumgebaseerde aktiwiteite nie, maar moet ook uitgebrei word na buitemuurse bedrywighede.
5. Indien skole verdere inligting of hulp verlang, kan daar met die volgende MIV/VIGS-koördineerders by die distrikskantore in verbinding getree word:

Metro-Sentraal Loretta Erasmus-Arendse Tel. 021 659 4300
Metro-Suid Nceba Jalamba Tel. 021 370 2072
Metro-Noord Labeqa Abrahams Tel. 021 938 3065
Metro-Oos Faith Booi Tel. 021 900 7024
Weskus: Kennith Booise Tel. 021 860 1200
Kaapse Wynland Alister Adonis Tel. 023 348 4687
Overberg: Benorita Ockhuis Tel: 028 2147300
Eden en Sentrale Karoo Lionel Pedro Tel. 044 874 3130
6. U entoesiastiese deelname aan programme gedurende die Nasionale Skool-VIGS-maand sal hoog op prys gestel word.


GETEKEN: MJ THERON
WND. HOOF: ONDERWYS
DATUM: 2009:08:26