1. |
'n Paar geïsoleerde gevalle van skoolleerders met meningitis is by die Wes-Kaap Onderwys-departement aangemeld.
|
2. |
Skole word aangeraai om dit nie as 'n "uitbreking" van die siekte, soos gerapporteer is, te beskou nie. Om skole egter behoorlik in te lig en voor te berei, is 'n pamflet van die Departement van Gesondheid aangeheg vir u aandag.
|
3. |
Indien 'n mediese praktisyn met u skool in verbinding sou tree aangaande 'n bevestigde geval van meningitis by een van die leerders of opvoeders van die skool, is die volgende die aanbevole stappe wat onmiddellik deur die prinsipaal en skoolbeheerliggaam gedoen moet word:
|
3.1 |
Die onderwysdistrikskantoor moet gekontak word om die bevestigde diagnose by die skool te rapporteer.
|
3.2 |
Die onderwysdistrikskantoor moet die Oordraagbaresiekte-eenheid van die Streeksgesondheidsdienste kontak. Die Streeksgesondheidsdienste sal op skoolvlak intree om die risikovlak by die skool te monitor en te evalueer. Afhangende van 'n verskeidenheid faktore, kan die risiko van infeksie as laag, medium of hoog geëvalueer word.
|
3.3 |
Aanbevelings vir verdere stappe sal deur die Gesondheidspan en die onderwysdistrikskantoorbestuur gedoen word, met opvolgmonitering waar nodig.
|
4. |
Hoofde van onderwysinrigtings word ernstig versoek om hierdie aangeleentheid nie ligtelik op te neem nie en om hierdie stappe te doen in die onwaarskynlike geval dat 'n geval van meningitis by hulle skool aangemeld word.
|
5. |
Hoofde van onderwysinrigtings word versoek om die inhoud van hierdie minuut onder die aandag van hulle personeel en die beheerliggaam bring.
|
GETEKEN: HA LEWIS
HOOF: ONDERWYS
DATUM: 2009:03:16
|