1. In Bylae A, paragraaf 3.5.2. van Norme-en-Standaarde-omsendbrief 0034/2008 van September 2008, het nie-artikel 21-skole opdrag gekry om hulle addisionele bestellings vir leer-en-onderrigondersteuningsmateriaal (LOOM) teen Woensdag, 30 September 2009 op die WKOD 034-vorm, asook hulle bestellings vir plaaslike aankope op die WKOD 026-vorm, in te dien. Dit was om seker te maak dat voorrade voor die aanvang van die 2010-skooljaar afgelewer sou word.
2. Volgens ons rekords het baie skole steeds onbestede saldo's. Skole het dus as vergunning 'n verlenging tot Vrydag, 27 November 2009 gekry vir die indien van hulle rekwisisies vir LOOM en plaaslike aankope. Dit is in ooreenstemming met die WKOD se beginsel van die versekering dat elke leerder 'n handboek vir elke vak of leerarea het.
3. Elke skool moet seker maak dat sy gekose verskaffer die vereiste LOOM in voorraad het sodat die voorrade teen Maandag, 11 Januarie 2010, wanneer die skole heropen, afgelewer kan word. Indien die verskaffer nie in staat is om hierdie versekering te gee nie, moet 'n alternatiewe verskaffer gekies word.
4. Benewens handboeke kan die volgende LOOM ook op die WKOD 034-vorm versoek word: biblioteekboeke, plakkate, landkaarte, muurkaarte, klasleesboeke, naslaanboeke, voorgeskrewe werke, woordeboeke, biblioteekhulpbronne, vooraf opgeneemde oudio- en videokassette, CD's, opvoedkundige sagteware.
5. 'n Versoek om die oorplasing van fondse sal oorweeg word slegs as dit vergesel word van die volgende dokumente:
5.1 'n Brief op die skool se briefhoof, onderteken deur die prinsipaal en die voorsitter van die skoolbeheerliggaam (SBL), wat die oorplasing motiveer en duidelik aandui watter fondse oorgeplaas moet word ;
5.2 'n Brief van die IBB-bestuurder, wat bevestig dat die skool vir 2010 'n handboek per leerder per vak of leerarea het ;
5.3 'n Hersiene en voltooide WKOD 032, onderteken deur die prinsipaal, die SBL-voorsitter en die IBB-bestuurder, en gewaarmerk met die skool se stempel.
6. Versoeke om die oorplasing van fondse moet per hand teen nie later nie as Woensdag, 11 November 2009 afgelewer word by me Lucia Bredenkamp by die volgende adres:

Kamer 3018, 3de Vloer
Atterbury House
Hoek van Riebeeck- en Laer Burgstraat
Kaapstad
8001

Dit kan ook gefaks word na 021 467 2565.

7. Die WKOD bedank graag vir prinsipale en skoolbeheerliggame vir hulle spoedige indiening van die WKOD 034- en 026-vorm, en vir die akkuraatheid waarmee die Norme-en-Standaardetoekenning bewillig is.


GETEKEN: HA LEWIS
HOOF: ONDERWYS
DATUM: 2009:11:05