| 1. |
In Bylae A, paragraaf 3.5, van die Norme en Standaarde Omsendbrief 0034/2008 van September 2008, word nie-Artikel 21-skole gelas om hulle voltooide WKOD 034-rekwisisievorms vir leer- en onderrigmateriaal (LOOM) en hulle voltooide WKOD 026-vorms vir plaaslike aankope teen Vrydag 24 April 2009 in te dien. |
| 2. |
Weens die aantal openbare vakansiedae in April is die tydperk vir die indiening van skole se hoofbestellings vir LOOM en plaaslike aankope verleng tot Vrydag 8 Mei 2009. |
| 3. |
Benewens handboeke, kan die volgende LOOM-items ook op die WKOD 034-vorm versoek word:
biblioteekboeke, plakkate, landkaarte, muurkaarte, klasleesboeke, naslaanboeke, voorgeskrewe werke, woordeboeke, biblioteekhulpmiddels, oudio- en videokassetopnames, CD's, opvoedkundige rekenaarprogrammatuur |
| 4. |
Daar word aanbeveel dat nie-artikel 21-skole minstens 70% van hulle LOOM-toewysing in hulle rekwisisie van Mei 2009 gebruik om die personeel by die Kuilsrivierbestelkantoor in staat te stel om alle rekwisisies na bestellings te prosesseer en om verskaffers voldoende tyd te gee om aflewerings by skole te doen. |
| 5. |
Die WKOD wil graag alle prinsipale en skoolbeheerliggame bedank vir hulle stiptelike indiening van die WKOD 032-vorms en vir die akkuraatheid waarmee hulle Norme- en Standaarde-toewysings aangewend is. |
GETEKEN: HA LEWIS
HOOF: ONDERWYS
DATUM: 2009:04:24
|