1. Die Kha Ri Gude Massaleerveldtog is in April 2008 van stapel gestuur, met as doelwit om teen die jaar 2012, 4,7 miljoen Suid-Afrikaners in staat te stel om teen 2012 geletterd en gesyferd te wees in een van ons elf amptelike tale.
2. Die Wes-Kaap het tans 12 700 leerders wat vir die program vir 2009 ingeskryf is. Die Wes-Kaap Onderwysdepartement (WKOD) het 'n verantwoordelikheid teenoor daardie leerders wat die program suksesvol voltooi het en wat hulleself graag verder wil toerus vir indiensneming. Dit kan gedoen word deur ons gemeenskapsleersentrums, wat BOOV vlak 1 tot 4 aanbied. Die WKOD het onderneem om voorsiening te maak vir die inname van 2500 Kha Ri Gude -leerders by Gemeenskapsleersentrums (GLS'e) in 2010.
3. Sentrumbestuurders word dus aangemoedig om hulle sentrums te bemark onder leerders by Kha Ri Gude -terreine en om te verseker dat Kha Ri Gude -leerders by die sentrum geakkommodeer word. Die kontrakbesonderhede van Kha Ri Gude -toesighouers is verkrygbaar vanaf IBB-bestuurders (OOV) by die distrikskantore. Hierdie toesighouers sal in staat wees om GLS'e te help om Kha Ri Gude -terreine en leerders te kontak.
4. Onderwysdistrikskantore word vriendelik versoek om GLS'e in hierdie opsig te moniteer en te ondersteun.
5. Vir verdere inligting, skakel asb. mnr S Tonkin by tel. 021 467 2279 of by e-posadres stonkin@pgwc.gov.za vir meer inligting of om idees uit te ruil.


GETEKEN: E LOUW
HOOF: ONDERWYS
DATUM: 2009:11:11