| 1. |
Die Direktoraat: Inrigtingsbestuur-en-beheerbeplanning [IBBB] beplan skoolbeheerliggaam-konferensies (SBL-konferensies) in September 2009. Skoolhoofde en voorsitters van SBL'e word hartlik na hierdie konferensies uitgenooi. |
| 2. |
Drie konferensies sal vir Wes-Kaapse skole gehou word in die volgende distrikte:
- Kaapse Wynland & Overberg in die hoofsaal van Boland Kollege, Rainierstraat, Worcester,
Datum: 12 September 2009; Tyd: 8:30 - 15:00;
- Eden & Sentrale Karoo in die hoofsaal van Outeniqua Primêre Skool, Katedraalstraat, George,
Datum: 19 September 2009; Tyd: 8:30 - 15:00;
- Die 4 Metrodistrikte en Weskus in die sportsaal van die Wes-Kaap Sportskool, Nooiensfonteinweg, Kuilsrivier (Distrik Metro-Oos),
Datum: 10 Oktober 2009; Tyd: 08: 30 - 15:00.
Let asseblief daarop dat SBL-lede slegs die konferensies wat vir hulle besondere onderwysdistrik gereël is, mag bywoon.
|
| 3. |
Skoolhoofde en SBL-voorsitters word versoek om saam te reis om 'n konferensie by te woon. Prinsipale sal vergoed word vir reiskoste waar die afstand wat gereis word 100 km in een
rigting oortref. Om vir reiskoste te eis, moet die Reis en Verblyf- en die Z43-vorms voltooi word en by die konferensie voorgelê word. Eise wat onvolledig of foutief is, sal nie uitbetaal word nie. |
| 4. |
In die geval dat 'n skoolhoof nie die konferensie kan bywoon nie, maar waar die SBL-voorsitter wel die konferensie bywoon en die afstand meer as 100km in een rigting is, word die skool versoek om die reiskoste te dek en dan die volgende dokumente aan die Direktoraat: IBBB voor te lê sodat die skool vergoed kan word:
- 'n Oorspronklike brief [nie 'n kopie nie] met die briefhoof van die skool, onderteken deur die prinsipaal sowel as die skooltesourier, wat die WKOD inlig aangaande die totale reiskoste deur die skool aangegaan;
- Die oorspronklike gewisselde tjek wat aan die SBL-voorsitter uitgemaak is, [en deur die bank gestempel is]
OF Die oorspronklike kontantstrokie vir 'n kontantbetaling aan die voorsitter en onderteken deur die persone wat daartoe gemagtig is, plus die oorsponklike kwitansie(s) wat aan die skool uitgemaak is vir die kontant wat ontvang is, onderteken deur die sekretaris.
L.W. Skole moet afskrifte van alle dokumente bewaar vir verwysings- en ouditdoeleindes.
|
| 5. |
Akkommodasie sal verskaf word slegs vir dié prinsipale en SBL-voorsitters wat meer as 200 km in een rigting moet aflê. Prinsipale en voorsitters wat akkommodasie verlang moet deel B van die aangehegte vorm voltooi. Die inligting aangaande akkommodasie word aangevra om seker te maak dat dit beskikbaar is. Versoeke vir akkommodasie moet voor 8 September 2009 ontvang word. So 'n versoek moet gefaks word na mnr Ryan Erasmus by 021 467 9385. 'n E-pos om akkommodasie te bevestig, sal dan gestuur word na elke afgevaardigde wat akkommodasie versoek het. |
| 6. |
Persone wat van voorneme is om een van die SBL-konferensies by te woon, moet Deel A van die aangehegte vorm voltooi en dit voor 8 September 2009 aan mnr Ryan Erasmus faks by 021 467 9385. Die inligting word benodig om die WKOD in staat te stel om reëlings te tref vir suksesvolle konferensies. |
| 7. |
Skakel met mnr Ryan Erasmus by telefoonnommer 021 467 2560. |
| 8. |
Prinsipale word versoek om te verseker dat die inligting in hierdie minuut verskaf word aan en bespreek word met hulle SBL-voorsitters binne 1 werksdag vanaf ontvangs van hierdie minuut, om die skole in staat te stel om binne die gegewe tyd te reageer. |
| 9. |
U spoedige reaksie sal baie waardeer word. |
GETEKEN: DD LOUW
WND.HOOF: ONDERWYS
DATUM: 2009:09:04
|