| 1. |
Ten einde te voldoen aan die bepalings van Tesourieregulasie 8.4 van die Regulasies uitgevaardig kragtens die Wet op Openbare Finansiële Bestuur 1999, (Wet 1/1999), mag toekennings en oordragbetalings slegs gebruik word vir die doel waarvoor hulle oorspronklik bestem was. Die aangehegte vorm, wat ontwerp is om te verseker dat dit inderdaad die geval is, moet voltooi word deur die Adjunkdirekteur: Administrasie van die betrokke Onderwysdistrikskantoor. Die volledig voltooide vorm moet ingedien word by die Direkteur: Finansiële Rekeningkunde te Hoofkantoor. |
| 2. |
Alle subsidiebetalings sal voortaan slegs gemaak word na ontvangs van die goedkeuring van die Adjunkdirekteur: Administrasie by die Onderwysdistrikskantoor op die voorgeskrewe vorm.
|
| 3. |
Deur die vorm te voltooi, bevestig die Adjunkdirekteur dat die skool effektiewe, doeltreffende en deursigtige finansiële bestuur implementeer, wat beteken dat die Onderwysdistrikskantoor bewus is van enige afwykings van gesonde finansiële bestuurspraktyk (indien enige) by die skool. |
| 4. |
U samewerking sal waardeer word. |
GETEKEN: HA LEWIS
HOOF: ONDERWYS
DATUM: 2009:07:21
|