1. Die opleiding en ontwikkeling van lede van verteenwoordigende rade van leerders [VRL'e] en die befondsing daarvan is nou die verantwoordelikheid van die onderwysdistrikskantore. Die Direktoraat: Inrigtingsbestuur- & -beheerbeplanning [IBBB], Subdirektoraat: Skole, het 'n naslaanlêer ontwikkel om vir skole en onderwyserskakelbeamptes (OSB's) tot nut te wees met die ontwikkeling en opleiding van VRL'e.
2. Die Direktoraat:IBBB, Subdirektoraat: Skole, nooi alle OSB's na 'n werkswinkel oor VRL-opleiding en -ontwikkeling. Die werkswinkel sal by elkeen van die volgende plekke aangebied word: 
Onderwysdistrikte Kaapse Wynland en Weskus 
Op 20 Februarie 2009, van 14h30 tot 16h00, 
by  Onderwysdistrikskantoor Kaapse Wynland,  
Durbanweg, Worcester. 
Tel. 023 348 4600


Onderwysdistrikte Metro-Suid en Metro-Sentraal 
Op 27 Februarie 2009, van 14h30 tot 16h00, 
by Hoërskool Spine Road, 
h.v. Spine- & Merrydaleweg, 
Mitchells Plein  
Tel. 021 392 9463 


Onderwysdistrikte  Eden & Sentrale Karoo en Overberg: 
Op 13 Maart 2009, van 14h30 tot 16h00, 
by Hoërskool York, 
h.v. Meade- & Palgravestraat, George
Tel. 044 874 2333.


Onderwysdistrikte Metro-Noord & Metro-Oos 
Op 20 Maart 2009, van 14h30 tot 16h00
by Hoërskool Parow
Tonerstraat, Parow-Oos
Tel.  021 939 4145
3. By die werkswinkel sal elke OSB 'n naslaanlêer wat opleidingsmateriaal vir die ontwikkeling van VRL'e by skole bevat, ontvang. Om 'n tweede lêer in die taal van keuse te ontvang, moet elke OSB die aangehegte Lêerversoekvorm voltooi en dit aan die betrokke IBBB-beampte by die werkswinkel oorhandig. OSB's wat nie hierdie voltooide vorm indien nie, sal nie 'n tweede lêer in die taal van keuse ontvang nie. As dit eers gedruk is, sal die tweede lêers by die onderwysdistrikskantoor afgelewer word vir verspreiding aan die betrokke skole.
4. Indien 'n OSB nie die werkswinkel kan bywoon nie, moet die skool 'n verteenwoordiger stuur om die naslaanlêer te ontvang. Lêers sal nie per pos of koerier versend word nie.
5. Let asseblief daarop dat hierdie naslaanlêers by die skool gehou moet word en altyd beskikbaar moet wees vir die OSB en die lede van die VRL.
6. OSB's wat verder as 50 km in een rigting reis, d.w.s. meer as 100 km in albei rigtings, sal vergoed word vir hulle reisuitgawes. 'n Eisvorm sal by die werkswinkel beskikbaar gestel word. As OSB's saamreis, sal slegs die eienaar van die voertuig vergoed word.


GETEKEN: HA LEWIS
HOOF: ONDERWYS
DATUM: 2009:02:06