1. Die Provinsiale Prinsipaalforum (PPF) is op 6 Februarie 2009 geloods. Vyf provinsiale vergaderings is gedurende 2009 gehou en 'n verskeidenheid onderwerpe is bespreek. Enkele veranderinge aan die raamwerk sal voorgestel word vir goedkeuring deur Topbestuur ten einde die funksionering van die PPF doeltreffender te maak. Skole sal ingelig word wanneer die veranderinge goedgekeur is.
2. Die notules van die PPF-vergaderings is aangeheg. Die Direktoraat: Inrigtingsbestuur-en-Beheerbeplanning (IBBB) vra om verskoning vir hierdie laat verspreiding van die notules en onderneem om seker te maak dat verspreiding nie in die toekoms vertraag word nie.
3. By die laaste PPF-vergadering is daar besluit om die verkiesing van prinsipale vir volgende jaar so gou as moontlik gedurende hierdie kwartaal te hê. Prinsipale word vriendelik versoek om te verseker dat die verkiesingsproses demokraties is. Distriksdirekteure en beamptes word versoek om ondersteuning aan prinsipale en voorsitters van forums te bied om te verseker dat verkiesings glad verloop.
4. Kringforums, onder leiding van die huidige voorsitter van die kringforum, word dus versoek om twee prinsipale te kies om die forum op die distriksforum te verteenwoordig. Die nuwe voorsitter van die kringforum moet ook gekies word en hy of sy moet die distrik voorsien van die name van die prinsipale wat tot die distriksforum verkies is.
5. Die huidige voorsitter van die distriksforum moet seker maak dat die verkose prinsipale 'n vergadering hou om 'n nuwe voorsitter te kies en om twee prinsipale vir die PPF vir 2010 te kies. Die nuwe voorsitter moet die distriksdirekteur en die Direktoraat: IBBB by NDomsali@pgwc.gov.za or Elouw@pgwc.gov.za in kennis stel van die name en kontakbesonderhede van die prinsipale wat tot die PPF verkies is.
6. Waar prinsipale van spesiale skole nie demokraties tot die distriksforum verkies word nie, moet die voorsitter van die distriksforum met die prinsipale van spesiale skole in daardie distrik vergader om twee prinsipale van spesiale skole tot die distriksforum te verkies.
7. Daar is by 'n PPF-vergadering besluit om prinsipale van spesiale skole se verteenwoordiging op die PPF te roteer, een vir landelike distrikte en een vir die metropooldistrikte, vanweë probleme om hierdie prinsipale uit vier distrikte te verkies. Die rotering van distrikte sal in alfabetiese volgorde wees, beginnende in 2010 met die Onderwysdistrik Metro-Sentraal vir die metropooldistrikte en met die Onderwysdistrik Eden & Sentrale Karoo vir die landelike distrikte. Dus, waar prinsipale van spesiale skole nie demokraties tot die PPF verkies word nie, moet die betrokke distriksforum ook een prinsipaal van 'n spesiale skool tydens die verkiesing van PPF-lede verkies tot die PPF.
8. Die eerste vergadering van die nuutverkose PPF sal gereël word vir vroeg in Februarie 2010. Alle verkiesings moet teen die einde van Januarie 2010 afgehandel wees.
9. Vir meer inligting kan u in verbinding tree met u IBB-bestuurder of kringspanbestuurder.


GETEKEN: HA LEWIS
WND. HOOF: ONDERWYS
DATUM: 2009:11:19

Verantwoordelikhede van Forumlede  (grootte: 13 KB)

"Minutes of PPF meetings"
"6 February 2009"  (grootte: 18 KB)
"27 March 2009"  (grootte: 10 KB)
"22 April 2009"  (grootte: 31 KB)
"27 August 2009"  (grootte: 84 KB)
"9 October 2009"  (grootte: 44 KB)