| 1. |
I-Cape Teaching & Leadership Institute (CTLI) iya kuba isenza iikhosi ezidweliswe kwiziHlomelo A, B, C no-D izenzela iinqununu zezikolo nootitshala ngethuba loluqhubeka kweekota zesikolo nangeeholide zesikolo ngo-2010. |
| 2. |
Abantu abanomdla wokuya kwezi khosi bacetyiswa ukuba babhalise, kodwa baqale badlule kwii-ofisi zezithili zemfundo zabo. (Funda isiHlomelo E senkqubo yokubhalisa.) |
| 3. |
Kuya kuqeshwa liSebe leMfundo leNtshona Koloni ootitshala ababambele abanye (substitute teachers) endaweni yootitshala abaya kwezi khosi ukuba
- akukho titshala ungaphaya kweemfuno zesikolo (in excess) esikolweni;
- utitshala lowo ubambele omnye akangotitshala ohlawulwa libhunga lolawulo lesikolo;
- utitshala lowo ubambele omnye akasele ebambele omnye utitshala.
|
| 4. |
Ukufunyanwa nokutyunjwa komntu wokubambela omnye luxanduva lwesikolo esithumela utitshala ekhosini. |
| 5. |
Iikhosi ziyaphindwa amatyeli aliqela ekuhambeni konyaka ukwenzela ukuba babe baninzi ootitshala abakwazi ukuya kuzo. |
| 6. |
Kuphela ngootitshala abangama-56 abanokubhalisela ikhosi nganye ngexesha. Aba titshala baya kuthathwa kuzo zonke zosi-8 izithili zemfundo. Oku kuthetha ukuba linani eliqingqiweyo kuphela lootitshala abanako ukuya kule khosi eqhutywayo ngelo thuba lithile. |
| 7. |
Iikhosi zithatha iiveki ezine ezahlulwe zaziibloko ezimbini ukunika ithuba ootitshala lokuba babuyele esikolweni baye kusebenzise uqeqesho lwabo abalufumeneyo. |
| 7.1 |
Utitshala makaye kuBloko 1 noBloko 2 wekhosi ethile ukwenzela ukuba akwazi ukuyigqiba ikhosi. Umzekelo: Ukuba utitshala ukhetha ukuya kwiKhosi 2 engoLwazi lokuBala kwiSigaba seSiseko (Course 2 on Foundation Phase Numeracy), loo titshala makaye kuBloko 1 wekhosi, ukusuka nge-15 Februwari ukuya kwi-26 Februwari 2010, aze aphinde abuye aze kugqibezela ikhosi ngokuya kuBloko 2, ukuqala nge-26 Julayi ukuya kwi-6 Agasti 2010. |
| 7.2 |
Ukutshintsha-tshintsha phakathi kweebloko ezahlukeneyo akuyi kuvunyelwa. |
| 7.3 |
Kufuneka ke ngoko ootitshala bakhethe iikhosi eziya kuqhubeka ngamaxesha apho baya kufumaneka khona ukuya kwikhosi epheleleyo. |
| 8. |
Uluhlu lwabatyunjiweyo (nominations) kwizithili zemfundo ukuba baye kwiikhosi eziya kwenziwa kwikota yokuqala ka-2010 malufike kwi-CTLI phambi kwe-20 Novemba 2009. |
| 9. |
Ukufumana ingcaciso engaphezulu, kucelwa ungathandabuzi ukuqhagamshelana nala magosa alandelayo:
|
| 10. |
Kucelwa wazise okubhalwe kule ngcaciso imfutshane bonke ootitshala ukuze bakuthathele ingqalelo. |
ISAYINWE: NGU-ED KIRSTEN
INTLOKO: YESEBE LEMFUNDO
UMHLA: 2009:09:30
|