1. |
ISebe leMfundo leNtshona Koloni (WCED) linovuyo ukwazisa ukuba kukho imali eluhlobo lweebhasari eya kufumaneka kootitshala abanqwenela ukufunda bafumane i-Advanced Certificate in Education (ACE). |
2. |
Aba bantu balandelayo bangasenza isicelo:
- Ootitshala abaqeshwe isigxina liSebe i-WCED;
- Ootitshala abaneziqinisekiso ubuncinane ezibabeka kwi-REQV 13 (M + 3);
- Ootitshala abazifezekisayo iimfuno ezingummiselo wokwamkelwa kwiyunivesithi echaphazelekayo (Funda iSihlomelo A);
- Ootitshala abangenayo enye ibhasari karhulumente okanye nayiphi enye ibhasari.
|
3. |
Injongo yezi khosi kukuphucula iziqinisekiso zootitshala, ulwazi neenkqubo zokuqeqeshelwa ukwenza umsebenzi kwizifundo ezifundiswayo. |
4. |
Ezi khosi ze-ACE ziya kwenziwa emva kweeyure zomsebenzi ithuba leminyaka emibini (ukususela ngoJanuwari 2010 ukuya kuDisemba 2011). Ikhosi nganye iya kukhokelela ekufumaneni isiqinisekiso seNqanaba 6 seNQF ibandakanye ukufunda ngembalelwano, kwakunye neeseshoni zokufundiswa eklasini phakathi evekini, ngeempela-veki nangeeholide (Funda iSihlomelo A). |
5. |
Ibhasari nganye iya kuhlawulela ukubhalisa neefizi zokufunda yaye iya kuhlawulwa kwii-akhawunti zeebhanki zamaziko emfundo ephakamileyo achaphazelekayo. |
6. |
Ngootitshala abasuka emaphandleni kuphela abaya kubonelelwa ngendawo yokulala, elungiselelwa yiyunivesithi ekungenwe kwimvumelwano nayo okanye liSebe i-WCED. |
7. |
Apho kusebenzayo oku, iindleko zothutho zokuya nokubuya kwindawo yoqeqesho ziya kuhlawulwa liSebe i-WCED, ngokuxhomekeka ekubeni ootitshala abasuka kwidolophu enye okanye esikolweni esinye bahamba ngesithuthi esinye (share transport).
|
8. |
Luxanduva lootitshala ukuzihlawulela iindleko zeencwadi zabo nezinto zokuncedisa ukufunda, apho kusebenzayo oku. |
9. |
Bayacelwa ootitshala abanqwenela ukuqwalaselelwa ukufumana ibhasari yokwenza le khosi ukuba bazalise iziHlomelo B no-C baze bazingenise kwiSebe leMfundo, kodwa ziqale zigqithe kwiinqununu zezikolo zabo. Izicelo mazifike kule dilesi ilandelayo ungadlulanga uLwesihlanu, we-16 Oktobha 2009:
|
The Head: Education For attention: Mesdames FM Kearns / S Lendore (Room 23-05) Directorate: Internal Human Capital Development Western Cape Education Department Sanlam Building Golden Acre Office Towers Private Bag X9114 Cape Town 8000 |
|
10. |
Izicelo zingafakwa kwakhona kwibhokisi ephawulwe "Directorate: Internal Human Capital Development" kwifoya yomnyango omkhulu ongena kwaNdlunkulu weSebe i-WCED e-Grand Central Towers, Cape Town. |
12. |
Kucelwa uqaphele ukuba:
- akukho zicelo zifike selidlule ixesha, ezingafakwanga zonke iinkcukacha okanye engabonakaliyo into ebhalwe kuzo ziya kuqwalaselwa; kwaye;
- akukho zicelo zithunyelwa ngefeksi ziya kwamkelwa.
|
13. |
Izicelo ezifike emva komhla wokuvala aziyi kuqwalaselwa. |
14. |
QAPHELA:
- Igama lekhosi ye-ACE neyunivesithi oyikhethileyo mazibhalwe ngokucace gca kwifom yesicelo;
- Abenzi-sicelo kufuneka kwakhona banike oko bakukhethayo okwesibini (second choice) kwi-ACE neyunivesithi kwisiHlomelo B;
- Iikopi eziqinisekisiweyo zesatifikethi sakho sematriki, isiqinisekiso semfundo kunye/okanye iziqinisekiso zoqeqesho ne-ID mazingeniswe kunye nesicelo sakho;
- Ukuba wenza isicelo sebhasari engaphezu kwenye, makungeniswe izicelo ezahlukeneyo.
|
15. |
IKomiti yeBhasari iya kuqwalasela ize ibeke phambili zonke izicelo, ize emva koko inike ingcebiso (make recommendations) malunga nokunikwa iibhasari. |
16. |
Kuya kulindeleka ukuba ngamnye umenzi-sicelo ophumeleleyo angene kwimvumelwano ngokusesikweni neSebe i-WCED yokunika inkonzo yonyaka omnye ngonyaka ngamnye wokufumana kwakhe ibhasari, nokulandela ngqo eminye imigqaliselo ekhankanywe kwimvumelwano. |
17. |
Kucelwa uqinisekise ukuba okubhalwe kule ngcaciso imfutshane kwaziswa bonke ootitshala. |
ISAYINWE: NGU-G DE BRUYN
INTLOKO: YESEBE LEMFUNDO
UMHLA: 2009:09:28
|