| UMXHOLO WENKOMFA | Wonke umntwana unako ukufunda |
| INDAWO |
Cape Teaching and Leadership Institute,
Nooiensfontein Road, KUILS RIVER |
| IMIHLA NAMAXESHA |
29 Matshi 2010: 09:00 - 16:00
30 Matshi 2010: 08:30 - 14:00 |
|
|
| 1. |
I-Cape Teaching and Leadership Institute (CTLI) imema zonke iinqununu zezikolo, ootitshala abesenkonzweni nabadla umhlala-phantsi bamaBakala R ukuya ku-9, abacebisi ngezekharityhulam nabameli bemibutho engekho phantsi korhulumente namaziko emfundo ephakamileyo (tertiary education) ukuba bathathe inxaxheba ngokufunda amaphepha, ukwenza iinkcazo-ntetho nemiboniso kule nkomfa ikhankanywe apha ngentla.
|
| 2. |
IINJONGO
Iinjongo zale nkomfa kukwabelana ngeembono, ngezona ndlela zokufundisa zibhetele nangamava ngokumalunga nokudalwa kothando lokuthanda ukufunda, iindlela ezahlukeneyo zokufundisa ukufunda, izicwangciso zongenelelo ngoncedo kwabo bafundi banzinyelwa kukufunda nokulawula isikolo esithanda ukufunda.
|
| 3. |
Ingcaciso enikwa abo baza kwenza intetho (presenters)
|
| 3.1 |
Iintlobo ezahlukeneyo zezinto eziza kwenziwa ezicelwayo:
- Iseshoni yeDVD;
- Iphepha;
- Demonstrasieles;
- Isifundo esibonisa okuthile;
- Imiboniso;
- Umasifundisane imizekelo:
- Ithuba lokufunda isiqingatha seyure;
- Die halfuur-leesperiode;
- Iphulo le-100 Books;
- Indlela yokufundisa ulwimi edibanisa iindlela ezahlukeneyo;
- Iphulo i-Big Book;
- Iprogram kaKhanya yokufunda;
- Ukufunda okuhlanganisa iinkqubo ezininzi;
- Izithintelo ekufundeni.
|
| 3.2 |
Abantu abanomdla wokufunda iphepha, ukwenza isifundo esibonisa okuthile okanye ukuqhuba umasifundisane kule nkomfa bayacelwa ukuba baqaphele oku kulandelayo:
- Siya kufuna le ngcaciso ilandelayo kuwe:
- Isihloko soko uza kukwenza;
- Inkcazo emfutshane ngokuqulethwe kuko (ingagqithi kwiphepha elinye);
- Uhlobo loko uza kukwenza (jonga umhlathi 3.1).
- Abathathi-nxaxheba kwinkomfa mabathathe inxaxheba koko kuza kwenziwa;
- Ubude bethuba loko kuza kwenziwa: Imizuzu engama-60. Makubekho imizuzu emi-5 ukuya kweli-10 yeengxoxo zamaqela okanye yemibuzo.
|
| 3.3 |
Ukuba unomdla wokwenza nayiphi na kwezi zinto okanye wokwenza umboniso, nokuba lusuku olunye okanye ziintsuku zombini zale nkomfa, kucelwa uzalise isiHlomelo A esiqhotyoshelweyo uze usithumele ngefeksi kulo Nksk Magdelena Benn kule nombolo 021 900 5175 / 5162 / 5013, okanye usithumele nge-imeyili apha mabenn@pgwc.gov.za okanye gmatthew@pgwc.gov.za ungadlulanga owe-29 Januwari 2010. |
| 3.4 |
Iseshoni yengcaciso yabo bonke abaza kwenza intetho abakhethiweyo kwiprogram, iya kubanjelwa eCTLI, eNooiensfontein Road, eKuils River nge-4 Februwari 2010 ngo-14:00.
|
| 4. |
ISebe iWCED linethemba lokuba le nkomfa iya kuba ngamava aya kuba yinzuzo enkulu kubo bonke abathe bakho. |
ISAYINWE: NGU-BK SCHREUDER
INTLOKO: YESEBE LEMFUNDO
UMHLA: 2009:12:03
|