| 1. |
ISebe leMfundo leNtshona Koloni (WCED) liza kwenza isigqibo sokuba likhuphe izintlu zezithuba zengqesho ezintlanu ngo-2010. Imihla yokupapashwa kwezi zithuba zengqesho kwakunye neminye imihla ebalulekileyo ikwisihlomelo esiqhotyoshelweyo.
|
| 2. |
Ziyacelwa iinqununu namabhunga olawulo ezikolo ukuba baqinisekise ukuba izaziso zizaliswa ekhompyutheni (filled in electronically) kwidrafti yoluhlu lwezithuba zengqesho ekwiziko lewebhu leWCED kule dilesi: http://wced.wcape.gov.za Mazingamkelwa iifom ezibhalwe ngesandla. Iinqununu mazibhungisane nabaphathi beekomiti zeesekethe xa zinengxaki ngenkqubo yokuzalisa izaziso zezithuba kuluhlu lwezithuba zengqesho oluyidrafti kwiziko lewebhu. Kucelwa ufunde iSetyhula 0010/2005 ye-18 Julayi 2005 malunga nalo mba. Iinqununu ezingenako ukufikelela kwiziko lewebhu maziqhagamshelane nabaphathi beekomiti zeesekethe.
|
| 3. |
Iya kuthakazelelwa kakhulu intsebenziswano yabo bonke abachaphazelekayo njengoko iya kuqinisekisa ulawulo ngempumelelo lwalo msebenzi ubalulekileyo.
|
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2009:12:07
|