Alle staatsdienspersoneel en hulle onderskeie lynbestuurders (adjunk-direkteurs-generaal, hoofdirekteure, direkteure, HUB's van VOO-kolleges en skoolhoofde) word daaraan herinner dat alle werknemers wat onder die Staatsdienswet van 1994 aangestel is die Personeelprestasiebestuur-en-ontwikkelingstelsel (PPBOS) moet implementeer volgens die voorskrifte van die Staatsdiensregulasies van 2001.
Hierdie minuut verduidelik die vereistes en lig alle staatsdienspersoneel in oor die dokumente wat ingedien moet word vir die PPBOS-2008-2009-evalueringsiklus. Alle lynbestuurders word versoek om te hou by die vervaldatums soos aangedui.
| 1. |
Die evalueringsiklus vir alle staatsdienspersoneel begin op 1 April van elke jaar en eindig op 31 Maart van die volgende jaar. |
| 2. |
Lynbestuurders moet seker maak dat alle staatsdienspersoneellede hulle finale prestasie-oorsigsessies vir die 2008-2009-siklus met hulle onmiddellike toesighouers afsluit. |
| 3. |
Alle staatsdienspersoneel en hulle onmiddellike toesighouers moes alreeds ooreengekom het oor 'n datum vir hulle finale prestasie-evaluering. Hierdie reëling sal alle lynbestuurders en werknemers in staat stel om hulle prestasie-ooreenkomste vir die 2009-2010-evalueringsiklus te finaliseer. Dit sal ook aan alle lynbestuurders die geleentheid bied om die geloofwaardigheid van alle evalueringsdokumente van hulle werknemers te verifieer voordat hulle teen 15 Junie 2009 by die D: IHCM ingedien word. |
| 4. |
Lynbestuurders word daaraan herinner dat al die vereiste dokumente op die lys in hierdie minuut ingedien moet word en dat slegs die oorspronklike weergawes van die dokumente aanvaar sal word. Geen uitstaande dokumente sal na 15 Junie 2009 aanvaar word vir prosessering nie.
|
| B. |
BYLAES WAT INGEDIEN MOET WORD |
| 1. |
Al die bylaes op die volgende lys moet ingedien word. (Elektroniese weergawes van hierdie dokumente is aangeheg.)
Bylae A: Individuele Prestasieplan (IPP)
Bylae B: Individuele Ontwikkelingsplan (IOP)
Bylae C: Prestasie-oorsiginstrument
(Twee opgetekende prestasie-oorsigsessies word vereis - Bylaes C1 en C2)
Bylae D: Prestasie-evalueringsinstrument
Bylae E: Prestasiesertifikaat
Bylae F: Motivering vir'n assessering van "Aanbevelenswaardig" of "Uitmuntend"
Bylae G: Nominasie vir 'n kontantbonus
|
| 2. |
Lynbestuurders en toesighouers moet seker maak dat al die afdelings van al die bylaes voltooi en geteken word deur al die toepaslike beamptes. |
| 3. |
Twee opgetekende oorsigsessies word vereis. Die Bylae C-vorm moet aandui dat die prestasie-oorsigsessies halfjaarliks opgeteken is (een in die eerste helfte en een in die tweede helfte van die evalueringsjaar). Twee Bylae C-vorms (Bylaes C1 en C2) moet dus vir elke werknemer ingedien word.
|
| 4. |
In die verlede is verskeie weergawes van Bylae E gebruik. Vir hierdie evalueringsiklus sal slegs die aangehegte weergawe van Bylae E as die amptelike weergawe aanvaar word. |
| 5. |
Alle bylaes wat by hierdie minuut aangeheg is, word beskou as die amptelike dokumente en is die enigste dokumente wat aanvaar sal word.
|
| 6. |
In gevalle waar werknemers 'n algehele evaluering van laer as "Bevredigend" ontvang het, moet Bylae H voltooi word. Bylae H sal dan deel uitmaak van die vereiste lys van dokumente vir indiening. |
| C. |
BENOEMING VAN STAATSDIENSPERSONEEL VIR MONETÊRE TOEKENNINGS
|
| 1. |
Daar word van lynbestuurders verlang om 20% (volgens die normale verspreidingskurwe) van hulle staatsdienspersoneeldiensstaat te nomineer vir 'n kontantbonus. |
| 2. |
Op skool- en VOO-kollegevlak moet die hele staatsdienspersoneelkomponent gebruik word vir die berekening van die 20% van werknemers wat genomineer sal word vir 'n kontantbonus. Slegs personeelllede wat 'n algehele evaluering van "Aanbevelenswaardig" of "Uitmuntend" ontvang het, ongeag die individuele arbeidskategorie, mag genomineer word vir 'n kontantbonus. |
| 3. |
Die volgende is van toepassing slegs op kantoorgebaseerde staatsdienspersoneel: |
| 3.1 |
Slegs 20% van die kantoorgebaseerde werknemers mag genomineer word vir 'n kontantbonus en slegs werknemers wat 'n algehele evaluering van "Prysenwaardig" of "Uitstaande" ontvang het, mag oorweeg word. |
| 3.2 |
Die hele staatsdienspersoneeldiensstaat van 'n direktoraat moet gebruik word vir die berekening van die getal staatsdienswerknemers, binne die NVK se 20%, wat genomineer mag word vir 'n kontantbonus. ( Die 20%-riglyn sal ook dien as 'n kontrolemaatreël vir lynbestuurders.) |
| 3.3 |
Van die 20% van die werknemers wat vir nominasie kwalifiseer, moet 5% van die groep wees wat as "Uitmuntend " geëvalueer is en 15% van die groep wat as "Aanbevelenswaardig" geëvalueer is. |
| 4. |
By die berekening van die getal personeellede wat vir 'n kontantbonus genomineer mag word, moet die antwoord afgerond word tot die naaste heelgetal. Voorbeelde: As die berekening lei tot 'n antwoord van 1.4, mag slegs een staatsdienspersoneellid genomineer word. As die antwoord 2.5 is, mag 3 staatsdienspersoneellede genomineer word. |
| 5. |
In gevalle waar daar slegs een personeellid op die diensstaat is, mag daardie lid vir 'n kontantbonus genomineer word slegs as hy of sy 'n algehele evaluering van óf "Uitmuntend" óf "Aanbevelenswaardig" ontvang het.
|
| 6. |
Bylae G sal die lys bevat van staatsdienspersoneel wat deur die Sentrale Modereringskomitee (SMK) oorweeg sal word vir 'n kontantbonus. Hierdie dokument moet deur die lynbestuurder onderteken word. Die oorspronklike bylae moet geheg word aan die evalueringsdokumente van die genomineerde personeellede.
|
| 7. |
Versuim om die vereiste Bylae G in te dien, sal tot gevolg hê dat die SMK van die WKOD toekennings na goeddunke aan die betrokke direktoraat of inrigting sal maak. Die samestelling van die SMK, asook sy rolle en funksies, sal in 'n later stadium verduidelik word. |
| D. |
AFHAAL VAN EVALUERINGSDOKUMENTE
|
| 1. |
Die MH-praktisyne wat verantwoordelik is vir die bediening van u tak of distrik sal reëlings tref met alle lynbestuurders om die vereiste dokumente teen die vervaldatum af te haal. |
| 2. |
Die volgende beamptes sal verantwoordelik wees vir die koördinering van die afhaalproses:
| |
Tel.nr. |
| Hoofkantoor: Celeste Brettenny |
021 467 2481 |
| Onderwysdistrik: Metro-Sentraal: Richard Horne |
021 467 2201 |
| Onderwysdistrik: Metro-Noord: Richard Horne |
021 467 2201 |
| Onderwysdistrik: Metro-Suid: Bevin Jacobs |
021 467 2469 |
| Onderwysdistrik: Metro-Oos: Bevin Jacobs |
021 467 2469 |
| Onderwysdistrik: Weskus: Mark van der Vendt |
021 467 2509 |
| Onderwysdistrik: Kaapse Wynland: Mark van der Vendt |
021 467 2509 |
| Onderwysdistrik: Eden en Sentrale Karoo: Leon Kouta |
021 467 2066 |
| Onderwysdistrik: Overberg: Leon Kouta |
021 467 2066 |
|
| E. |
PPBOS-KALENDER VIR 2009-2010-SIKLUS 'n PPBOS-kalender vir die 2009-2010-siklus, wat besonderhede verstrek van prosesse en skedules, sal gedurende Mei 2009 uitgereik word aan alle werknemers. Die inligting op die kalenders moet dien as basis vir beplanning vir die 2009-2010- PPBOS-siklusse. |
Bring asseblief die inhoud van hierdie minuut onder die aandag van alle staatsdienspersoneel onder u toesig.
GETEKEN: TS MATSELISO
HOOF: ONDERWYS
DATUM: 2009:05:22
|