| 2. |
Ten einde enige verwarring onder personeellede te voorkom oor wat toegelaat word rakende jaareindfunksies en tyd af, moet personeellede daarop let dat hulle benewens die toegewings wat normaalweg gemaak word aan die einde van elke jaar, d.w.s. korter werksure op die werksdag voor Kersfees en die werksdag voor Nuwejaarsdag, een Kersmiddagete gedurende die Kersseisoen mag bywoon. Hierdie middagete kan enige vorm aanneem, maar mag nie voor 15:00 begin nie. Personeellede is nie verplig om na sodanige middagetes na hulle kantore terug te keer nie.
|
| 3. |
Geen verdere versoeke aangaande tyd af vir Kersinkopies of bywoning van ander funksies sal goedgekeur word nie.
|
| 4. |
Reëlings vir funksies moet in oorleg met die betrokke lynbestuurder (direkteursvlak) getref word.
|
| 5. |
Hierdie tyd van die jaar is dit belangrik dat hoofde van direktorate die nodige reëlings moet tref om noodsaaklike dienste te voorsien en om seker te maak dat telefone beantwoord word.
|
| 6. |
Benewens die bogemelde het die Waarnemende Direkteur-Generaal van die Departement van die Premier alle Hoofde van Departemente in Omsendbrief 6 van 2009 ingelig dat die Provinsiale Kabinet goedkeuring verleen het vir die hersiening van die Jaareindbeleidsriglyne om standaardisasie en koste-effektiwiteit oor die Provinsiale Regering van die Wes-Kaap heen dadelik ingaande te verseker.
|
| 7. |
Die inhoud van Omsendbrief 6 van 2009 word aangehaal om verwysing te vergemaklik.
|
| 8. |
Lig asseblief alle personeel onder u beheer in oor die inhoud van hierdie minuut.
|
GETEKEN: P VINJEVOLD
HOOF: ONDERWYS
DATUM: 2009:11:18
|