| 2. |
Die optrede van die modereringskomitees is van belang vir die geloofwaardigheid van die PPBOS en is gebaseer op die volgende riglyne: eerlikheid, onpartydigheid, regverdigheid, geregtigheid en balans/verstandigheid. Die modereringskomitees verseker konsekwensie, billikheid, prosedure-regverdigheid, korrektheid en administratiewe regmatigheid in die implementering van die PPBOS. |
| 3. |
Die gesentraliseerde modereringskomitee vir die PPBOS-siklus 2007 -2008 is saamgestel en opgesaal met die uitdagende verantwoordelikheid om verdienstelike staatsdienspersoneel aan te beveel vir prestasiebonusse, gebaseer op hulle gradering soos onderling ooreengekom tussen hulle en hulle toesighouer, wat ontvang is op of voor 28 November 2008. |
| 4. |
Die komitee se beraadslagings is bemoeilik deur lynbestuurders of prinsipale wat nie aan die vereistes van die Internemenslikekapitaalbestuursminuut 8/2008 voldoen het nie, d.w.s. om slegs die boonste 20% van die presteerders per direktoraat of onderwysinrigting te nomineer. Onderstaande kriteria is dus konsekwent toegepas om die 1432 genomineerdes te modereer en 'n totaal van 1074 begunstigdes vir prestasiebonusse aan te beveel. |
| 4.1 |
Skole is per kring binne die onderwysdistrik saamgegroepeer in klusters, terwyl VOO-kollegepersoneel en onderwysdistrikspersoneel saamgegroepeer is. Hoofkantoorpersoneel is per direktoraat saamgegroepeer in klusters binne die nuwe WKOD-herontwerpstruktuur, en personeel buite direktorate is saamgegroepeer onder die ADG's, SG of LUR. |
| 4.2 |
Die nominasies moes ten volle voldoen aan die vereistes rakende die indien van dokumentasie Bylaes A - E, insluitende motivering (let daarop 2 X Bylae C). |
| 4.3 |
Die motivering moes daar wees, maar daar is nie daarna gekyk vir gehalte van inhoud nie. |
| 4.4 |
Nominasies is verder in die geval van opvoedkundige inrigtings, direktorate of komponente op salarisbande 1 - 2, 3 - 6, en 7 - 8, 9 - 10 en 11 - 12 saamgegroepeer vir verslagdoeleindes. |
| 4.5 |
As die nominasies wat ontvang is binne die normale distribusiekurwe (NDK) van 20% per skool of direktoraat was, is die nominasies deur die komitee bekragtig. |
| 4.6 |
As die nominasies wat per skool of direktoraat ontvang is die NDK van 20% oorskry het, het die komitee ingetree en aanbevelings gebaseer op die volgende gemaak: |
| 4.6.1 |
'n Van-onder-af-benadering per salarisvlakgroep is gevolg vir die aanbeveling van bonusse, en voorkeur is gegee aan laervlakpersoneel. |
| 4.6.2 |
Voorkeur is gegee aan personeel wat nie in die vorige siklus bonusse ontvang het nie, bo dié wat konsekwent prestasiebonusse ontvang het toe die NDK per salarigroep toegepas is. |
| 4.6.3 |
As 'n laaste uitweg is die motiverings noukeurig bestudeer vir gehalte om te kan besluit tussen individue wat per salarisvlak ewe hoog aangeslaan is, waar slegs een ooreenkomstig die NDK aanbeveel kon word. |
| 5. |
Onderstaande tabel gee die prestasiebonusbegunstigdes per salarisvlak aan:
| Salarisvlak |
Personeelgetalle |
Begunstigdes |
| SV 1 |
1555 |
116 |
| SV 2 |
1605 |
170 |
| SV 3 |
2475 |
321 |
| SV 4 |
1097 |
109 |
| SV5 |
111 |
20 |
| SV 6 |
1148 |
241 |
| SV 7 |
222 |
54 |
| SV 8 |
128 |
31 |
| SV 9 |
83 |
11 |
| SV10 |
31 |
1 |
|
| 6. |
Die modereringsproses vir genomineerdes op salarisvlak 11 - 12 wat op of voor 28 November 2008 ontvang is, sal mettertyd afgehandel word. |
| 7. |
Bring asseblief die inhoud van hierdie omsendbrief onder die aandag van alle personeel onder u toesig. |
GETEKEN: S CYSTER
HOOF: ONDERWYS
DATUM: 2009:02:10
|