| 1. |
Ingevolge die Provinsiale Raamwerk oor MIV en VIGS in die Werksplek moet elke departement een werknemer per 50 werknemers as 'n portuuropvoeder oplei.
|
| 2. |
Die rol en funksie van 'n portuuropvoeder is: (a) om bewustheid van MIV en VIGS op 'n informele vlak te skep; (b) om werknemers te verwys na die betrokke ondersteuningstrukture; en (c) om bewussyn van die Werksnemerwelsynsprogram onder kollegas te bevorder.
|
| 3. |
Die portuuropvoederopleiding sal 'n geleentheid bied aan daardie werknemers wat graag 'n rol wil speel in die stryd teen die MIV-pandemie. 'n Tipiese portuuropvoeder moet 'n goeie en onpartydige luisteraar wees, met 'n begeerte om sy of haar medemens te help, en iemand wat vertrou kan word om vertroulike inligting te bewaar.
|
| 4. |
Hier volg besonderhede van die driedaagse opleidingskursus vir portuuropvoeders:
| Datums: 6, 7 & 8 Julie 2009 |
| Tyd: 08h00 tot 16h00 elke dag |
| Plek: Kromme Rhee, Stellenbosch |
|
| 5. |
Dit sal op prys gestel word indien u werknemers van enige vlak kan nomineer wat verlang om portuuropvoeders te word. Let asseblief daarop dat die opleidingsessie alleenlik vir kantoorgebaseerde staatsdienswerkers is.
|
| 6. |
'n Portuuropvoeder-aansoekvorm is hierby aangeheg en moet deur elke genomineerde en sy of haar lynbestuurder ingevul word. Die voltooide vorm moet teen 26 Junie 2009 gefaks word, vir die aandag van Nokwanda Zamxaka, na faksnommer 086 549 0004. Let daarop dat die voltooiing van die aansoekvorm nie noodwendig waarborg dat die aansoeker vir die kursus aanvaar sal word nie.
|
| 7. |
U samewerking om die opleiding te laat slaag, sal hoog op prys gestel word. |
GETEKEN: M CRONJé
HOOF: ONDERWYS
DATUM: 2009:06:22
|