| 1. |
Die Kaapse Instituut vir Onderrig en Leer (KIOL) sal in 2010 gedurende skoolkwartale en skoolvakansies die kursusse soos uiteengesit in Bylae A, B, C en D, vir prinsipale en onderwysers aanbied. |
| 2. |
Persone wat hierdie kursusse wil bywoon, word aangeraai om via hulle onderwysdistrikskantore te registreer. (Kyk Bylae E vir registrasieprosedure.) |
| 3. |
Substituutonderwysers sal deur die Wes-Kaap Onderwysdepartement (WKOD) in diens geneem word in die plek van onderwysers wat hierdie kursusse bywoon, op voorwaarde dat:
- daar geen botallige onderwyser by die skool is nie;
- die substituutonderwyser nie 'n onderwyser is wat deur die beheerliggaam besoldig word nie, en
- die substituutonderwyser nie reeds 'n substituut vir 'n ander onderwyser is nie.
|
| 4. |
Die vind en nominasie van 'n geskikte substituut is die verantwoordelikheid van die skool wat 'n onderwyser stuur om die kursus by te woon. |
| 5. |
Kursusse word etlike kere gedurende die jaar herhaal om meer onderwysers in staat te stel om hulle by te woon. |
| 6. |
Slegs 56 onderwysers kan vir elke afsonderlike kursus geregistreer word. Hierdie onderwysers sal getrek word uit al 8 onderwysdistrikte. Dit beteken dat slegs 'n beperkte aantal onderwysers 'n kursus wat op 'n gegewe tydstip aangebied word, kan bywoon. |
| 7. |
Kursusse wat vier weke duur is in twee blokke verdeel om onderwysers in staat te stel om terug te gaan skool toe en hulle opleiding in die praktyk toe te pas. |
| 7.1 |
'n Onderwyser moet beide Blok 1 en Blok 2 van 'n spesifieke kursus bywoon ten einde die kursus te voltooi. Indien 'n onderwyser byvoorbeeld kursus 2 oor Gesyferdheid vir die Grondslagfase wil bywoon, moet daardie onderwyser blok 1 van die kursus van 15 Februarie tot 26 Februarie 2010 bywoon, en dan terugkeer om die kursus te voltooi deur blok 2 van 26 Julie tot 6 Augustus 2010 by te woon. |
| 7.2 |
Omruilings tussen blokke van verskillende kursusse sal nie toegelaat word nie.
|
| 7.3 |
Onderwysers moet dus kursusse kies wat aangebied sal word gedurende tye wanneer hulle beskikbaar sal wees om 'n volle kursus by te woon. |
| 8. |
Nominasies van distriksbeamptes vir kursusse wat in die eerste kwartaal van 2010 aangebied sal word, moet die KIOL voor 20 November 2009 bereik. |
| 9. |
Vir meer inligting, moenie huiwer om enige een van die volgende amptenare te kontak nie:
|
| 10. |
10. Bring asseblief die inhoud van hierdie minuut onder die aandag van alle onderwysers |
GETEKEN: ED KIRSTEN
HOOF: ONDERWYS
DATUM: 2009:09:30
|